Е. Б. Бабский, А. А. Зубков, Г. И. Косицкий, Б. И. Ходоров

Витамин К (филохинон, антигеморрагик фактор)
Витамин К етишмаганда қондаги протромбин камайиб кетади, натижада қоннинг ивиш хоссаси пасаяди. Шу сабабли К авитаминозида қон кетишига мойиллик (геморрагия) кузатилади.
Витамин К жигарда протромбин синтезланиши учун зарур. К авитамнинозида витамин К ҳазм системасидан ташқари, яъни парэнтерал йўл билан юборилгаида протромбин синтези кучаяди ва қондаги протромбин нормал миқдорга келади, қоннинг ивиш хоссаси шу тариқа ошиб,қон кетишига мойиллик камаяди. Шунинг учун витамин К ни антигеморрагик витамин дейишади.
Витамин К турли-туман озиқ-овқат маҳсулотларида бўлади, бундан ташқари, йўғон ичакдаги бактерияларда синтезланади. Шунинг учун одам ичагида ўт кислоталари бўлмаганда (масалан, ўт йўли беркилиб қолганда) витамин К сўрилмаслиги сабабли К авитаминози пайдо бўлиши мумкин, чунки витамин К сўрилиши учун ўт кислоталари бўлиши зарур. Шунинг учун ўт чиқарув йўлларининг касалликларида овқат билан витамин К етарлича кириб туришига қарамай, К авитаминози пайдо бўлиши мумкин.
Баъзан янги туғилган болалар қонида протромбии камлиги сабабли қон кетишига мойил бўлади, бу эса К авитаминози билан тушунтирилади. Онаси туғишдан олдин витамин К препаратларини истеъмол қилиб турса, тугиладиган боласидаги геморрагиянинг бемалол олдини олиш мумкин.
Витамин К исмалоқ, салат, карам, савзида кўп бўлади. Витамин К хоссаларига эга бўлган кристалл бирикмалар ўсимликлардан ажратиб олинган. У нафтохиноннинг икки алмашган ҳосиласи бўлиб чиқди ва филлохинон деб аталади.

Балиқ унини чиритувчи бактерияларда ҳосил бўладиган моддада витамин К хоссалари бор-у антигеморрагик таъсир кўрсатади. У ҳам нафтохинон ҳосиласи экан (фарнохинон). Чириётган балиқ унидан олинган препаратни ўсимликлардан олинган препаратдан фарқ қилиш учун витамин К деб аташган. Кейинчалик нафтохиноннинг бир қанча синтетик ҳосилалари топилди, уларда ҳам витамин К хоссалари бор. Шулардан баъзилари, масалан, А. В. Палладин олган модда — метилнафтохиноннинг бисульфит ҳосиласи сувда эрийди.

Витамин К нинг антагонисти — дикумарин жигарда протромбин синтезланишини сусайтиради ва организмда қоннинг ивишини шу йўл билан бузади.