Е. Б. Бабский, А. А. Зубков, Г. И. Косицкий, Б. И. Ходоров

Жисмоний меҳнат вақтида энергия алмашинуви
Мускуллар ишлаганда энергия сарфи бир мунча ошади. Шу сабабли сутканипг бир қисмини жисмоний меҳнат ва ҳаракатда ўтказадиган соғлом одамнинг бир суткадаги энергия сарфи асосий алмашинувдан анча ортиқ бўлади. Бу энергия сарфининг ортиши иш қўшимчасини ташкил этади, мускуллар қанча зўр бериб ишласа, иш қўшимчаси шунча катта бўлади.
Мускуллар ишлаганда иссиқлик энергияси ва механик энергия юзага чиқади. Механик энергиянинг иш бажариш учун кетган барча энергияга нисбати фойдали иш коэффициенти деб аталади ва процент билан ифодаланади. Одам ишлаганда фойдали иш коэффициенти 16% дан 25% гача бўлиб, ўрта ҳисобда 20% га тенг, бироқ айрим ҳолларда эса бундан ҳам ортиқ бўлиши мумкин.
Фойдали иш коэффициенти бир қанча шароитларга қараб ўзгаради. Масалан, машқ қилмаган одамларда бу коэффициент машқ қилувчилардагига нисбатан анча кам бўлиб, машқ қилган сайин ортиб боради.
Организм мускуллари билан қанча зўр бериб ишласа, энергия сарфи шунчалик ортиқ бўлади. Бу қуйидаги далиллардан кўриниб турибди: асосий алмашинув шароитида энергия сарфи гавданинг 1 кг вазнига 1 соатда 1 ккал бўлса, одам тинч ўтирганда энергия сарфи 1 кг вазнга ўрта ҳисоб билан 1,4 ккал бўлади; иш бажармай тик турилганда 1,5 ккал, енгил иш бажарилаётганда (идора хизматчилари, тикувчилар, нозик иш бажарувчи механиклар, ўқитувчилар) — 1,8—2,5 ккал; юриш билан боғланган озгина мускул ишида (врачлар, лаборантлар, хат ташувчилар, муқовачилар) —2,8—3,2 ккал; ўртача огирликдаги мускул иши билан боғлиқ бўлган меҳнатда (металчилар, бўёқчилар, дурадгорлар) — 3,2—4 ккал; оғир жисмоний меҳнатда (бинокор ишчилар, ўтни ўчирувчилар, ер ҳайдовчилар, темирчилар ва бошқалар) — 5'—7.5 ккал энергия сарфланади.
Энергия сарфига қараб турли касб эгаларини бир неча группага бўлиш мумкин. Бу группаларнинг суткадаги энергия сарфи қуйидагича.
Биринчи группа — ақлий меҳнат кишилари (олимлар, врачлар, инженерлар, идора хизмзтчилари ва бошқалар) 3000—3200 ккал.
Иккинчи группа — механизациялашган корхона ишчилари (токарлар, фрезерчи-лар, тўқимачилар, шаҳар транспорти шоферлари) —3500 ккал.
Учинчи группа — қисман механизациялашган корхоналарда жисмошш меҳнат би-лан шуғулланадигап ишчилар (слесарлар, ўт еқувчилар, қишлсқ хўжалик ишчилари) — 4000 ккал.