Е. Б. Бабский, А. А. Зубков, Г. И. Косицкий, Б. И. Ходоров

Нафас коэффициенти ва моддалар алмашинувини текширишдаги аҳамияти
Организмдан ажралиб чиққан карбонат ангидрид ҳажмининг ютилган кислород ҳажмига нисбати нафас коэффициенти деб аталади. Оқсиллар, ёғлар ва углеводлар оксидланганда нафас коэффициенти турлича бўлади. Аввало, организм углеводлар истеъмол қилганда нафас коэффициенти қанча бўлишини кўриб чиқайлик. Мисол учун глюкозани олайлик. Бир молекула глюкоза оксидланишининг умумий якунини қуйидаги формула билан ифодалаш мумкин:
С6Н12О6 + 6О2 = 6 СО2 +6 Н2О
Глюкоза оксидланганда неча молекула карбонат ангидрид ҳосил бўлса, ўшанча молекула кислород сарф қилингани (ютилгани) реакция тенгламасидан кўриниб турипти. Бир хил температура ва бир хил босимда газнинг тенг миқдордаги молекулалари бир хил ҳажмни эгаллайди (Авогадро—Жерар қонуни). Демак, глюкоза оксидланганда нафас коэффициенти (СОг нинг 0₂ га нисбати) 1 га тенг. Бошқа углеводлар оксидланганда ҳам нафас коэффициенти шунча бўлади. Еғлар ва оқсиллар оксидланганда нафас коэффициенти 1 дан кам бўлади. Еғлар оксидланганда нафас коэффициенти 0,7 га тенг эканлигини бирор ёғнинг оксидланиши якунидан кўриш мумкин. Буни трипальмитиннинг оксидланиш мисолида кўрсатайлик:
2С3Н5(С15Н31СОО)3 +145О2 = 102СО2 +98Н2О
Бу мисолда карбонат ангидриднинг кислородга нисбати

102׃145=0.703га тенг

Оқсиллар учун ҳам шундай ҳисоб қилиб кўриш мумкин; организмда оқсиллар оксидланганда нафас коэффициенти 0,8 га тенг. Одам аралаш овқатлар еб турганда нафас коэффициенти аксари 0,85—0,9 га тенг бўлади.
Организмда 1 л кислород сарфланганда (ютилганда) оқсил, ёғ, углеводларнинг оксидланишига қараб, ажралиб чиққан калориялар ҳар хил бўлгани учун нафас коэффициентининг миқдорига қараб турли миқдорда калориялар ажралиб чиқиши тушунарли чунки нафас коэффициенти организмда қайси моддалар оксидланганини кўрсатиб беради. Маълум нафас коэффициентига кислороднинг маълум калорик эквиваленти мос келишини қуйидаги таблицадан кўриш мумкин:

Баъзи бир шароитда, масалан, мускуллар зўр бериб ишлагандап сўнг, қисқа вақт учун аниқланган нафас коэффициенти оқсил, ёғ ва углеводлар истеъмол қилинганини акс эттирмайди.