Е. Б. Бабский, А. А. Зубков, Г. И. Косицкий, Б. И. Ходоров

Озиқ моддаларнинг калорик коэффициентлари
Озиқ-овқатнинг таркибини ва қанчалик ўзлаштирилишини билиб олиб, ейилган овқатнинг энергетик қийматиии ҳисоблаб чиқариш мумкин, чунки озиқ моддаларнинг калорик коэффициентлари маълум.
Калорик коэффициент, ёки иссиқлик коэффициенти деб 1 г модда ёнганда юзага чиқадиган иссиқлик миқдорига айтилади. Рубнер маълумотларига кўра, асосий озиқ моддалар организмда оксидланганда уларнинг калорик коэффициентлари қуйидагича бўлади:
! г оқсил . . . 4,1 ккал
1 г ёғ 9,3 ккал '
1 г углевод . . , . 4,1 ккал
Озиқ моддаларнинг калорик коэффициентлари Бертлонинг калориметрик бомбаси ёрдамида аниқланади. Бертло бомбаси сувга ботириб қўйиладиган жипс берк идишдан иборат. Текшириладиган модда бомбада кислороднинг юқори босими остида ёқилади ва шунда юзага чиқувчн энергия (бомба атрофидаги маълум ҳажмли сувнинг исишига қараб) аниқланади.
Ёғлар ва углеводларнинг қанча иссиқлик беришини калориметрик бомбада аниқлаш натижалари организмда шу моддалар оксидланганда ҳосил бўлувчи энергия миқдорини текшириш натижаларига мос келади. Бу, Гесснинг 1840 йилдаёқ аниқлаган қонунига мос келади. Гесс қонунига кўра химиявий реакция қандай оралиқ этапларни угишидан қатъи назар, реакцияда қатнашувчи бошлангич ва охирги маҳсулотлар бир хил бўлса, ҳосил бўлувчи энергия миқдори бир хил бўлади. Ёғлар ва углеводлар организмда оксидланиб парчаланганда ва организмдан ташқарида ёнганда бир хил охирги моддалар: карбонат ангидрид ва сувни ҳосил қилади; демак улар иккала ҳолда ҳам бир хил миқдорда иссиқлик бериши керак. Ёғлар ва углеводлардан фарқли равишда оқсиллар калориметрик бомбада ёқилганда организмда оксидлангандагига қараганда кўпроқ иссиқлик беради. Масалан, 1 г казеин ёнганда 5,85 ккал, организмда оксидланганда эса фақат 4,1 ккал энергия беради. Бунинг сабаби шуки, оқсиллар калориметрик бомбада ёнганда СО2, Н₂0 ва Н₃ гача парчаланади, оқсиллар организмда оксидланганда яна анча иссиқлиқ бера оладиган моддалар — мочевина, сийдик кислотаси, креатинин (парчаланишнинг охирги маҳсулотлари) ҳосил бўлади.
Озиқ-овқатнинг калориялар миқдорини аниқлаганда «брутто» ва «нетто» деб аталувчи миқдорлар фарқлапади. «Брутто» калорияси — ейилган овқатнинг жами калориялар миқдори. «Нетто» калорияси озиқ-овқат ўзлаштирилишига тузатма киритиб ҳисобланади; шундай қи-либ, «нетто» калорияси муайян овқат ейилганда организм ҳақиқатан оладиган энергия миқдорини ифодалайди.