Е. Б. Бабский, А. А. Зубков, Г. И. Косицкий, Б. И. Ходоров

Эритроцитларнинг чўкиш тезлиги
Антикоагулянтлар қўшилгани туфайли ивимайдиган қон пробиркада турганда эритроцитлар чўкиб қолади (эритроцитларнинг чўкиш реакцияси—реакция оседания эритроцитоз—қисқартилгани: РОЭ).
Бу ҳодисани текшириш учун қонга натрий цитрат аралаштириб, миллиметрларга бўлинган шиша капилляр найчага олинади. Муайян вақт ичида ҳосил бўлган юқориги типиқ қаватнинг баландлиги ҳисобланади. Нормада эритроцитларнинг чўкиш тезлиги эркакларда соатига 9 мм га, аёлларда соатига 7—12 мм. Янги туғилган болаларда РОЭ соатига атиги 0,5 мм ни ташкил этади. Ҳомиладорларда РОЭ соатига 45 мм га етиши мумкин. РОЭ эркакларда 9 мм дан, бўйида бўлмаган аёлларда 12 мм дан ортиқ бўлса ошган деб ҳисобланиб, касалликдан далолат беради.
РОЭ миқдрри плазманинг хоссаларига боғлиқ. Масалан, эркак эритроцитлари эркак қонининг плазмасига солинганда соатига 5—9 мм тезлик билан, ҳомиладор аёлнинг плазмасига солинганда эса соатига 50 мм гача тезлик билан чўкади. Худди шунингдек, аёл эритроцитлари эркакнинг қон плазмасида соатига қарийб 9 мм тезлик билан, ҳомиладор аелнинг плазмасида зса соатига 60 мм дан юқори тезлик билан чукади.
Эритроцитлар якка-якка тураверса, яъни бир-бирига ёпишмаса, чукиш тезлиги соатига 0,2 мм га тенг келган бўлур эди. Эритроцитлар чукиш тезлигининг юқори бўлиши шунга боғлиқки, улар устма-уст тахланиб, танга устунлари деб аталувчи устунларни ҳосил қилади (6-расм).
Эритроцитлариинг чўкиш тез-лиги соатига 1 мм. бўлганда танга устунлари тахминан 11 та эритро-цитдан таркиб топади, чўкиш тезлиги соатига 75 мм бўлганда эса, тўпланган эритроцитларнинг диаметри 100 мк бўлади ва ундан ҳам ошади, улар кўп миқдордаги (тахминан 60 000) эритроцитлар-дан иборат бўлади. Эритроцитлар чўкиш тезлигининг юқори бўлиш сабаби — қон плазмасидаги глобулинлар миқдорининг кўпайиши деб ҳисоблашади.
6-расм. Қоннинг микроскопда кўриниши.
1-айрим эритроцит; 2- эритроцитлардан ҳосил бўлган танга устунчалари; 3-лейкоцитлар