Е. Б. Бабский, А. А. Зубков, Г. И. Косицкий, Б. И. Ходоров

Гемоглобин
Гемоглобин организмда кислород ташиш каби муҳим вазифани бажаради ва карбонат ангидрид ташишда қатнашади.
Гемоглобин мураккаб химиявий бирикма (молекуляр оғирлиги 68 800) бўлиб, глобин оқсили ва тўрт молекула гемдан тузилган. Темир атоми бўлган гем молекуласи кислород молекуласини бириктира ва бера олади. Айни вақтда кислород газини бириктириб оладиган темирнинг валентлиги ўзгармайди, яъни Ғе икки валентлигича қолади.
Гемоглобинга хлорид кислота таъсир эттирилса, глобиндан гем ажралиб кетади. У хлорид кислота билан реакцияга киришиб гемин (С34Н32N4O4FeCl) га айланади, гемин эса характерли шаклдаги кристалларци ҳосил қилади. Суд медицинаси практикасида қон борлигини исботлаш учун гемин ҳосил бўлиши текширилади.
Гем молекуласида тўртта пиррол ҳалқаси бор (улардан иккитаси ишқор, иккитаси эса кислота характерига эга). Гемдаги темир атоми гемни глобиннииг оқсил қисмига бириктиради. Гем темир атомини йўқотсаю, пиррол структураси саҳланиб қолса. гема-топорфирин ҳосил бўлади. Баъзи заҳарланишларда ёки модда алмашинуви бузилганда бу модда организмда кўплаб ҳосил бўлади ва сийдик билан чиқиши мумкин.
Гем гемоглобиннинг актив (простетик) группаси, глобин эса гемни олиб юрувчи оқсилдир. Гемоглобин кислородни бириктириб, оксигемоглобинга айланади (уни HbO2 символи билан кўрсатишади). Кислородни берган оксигемоглобин қайтарилган, ёки редукцияланган гемоглобин{Нb) деб аталади. Оксигемоглобин, гемоглобин ва унинг бошқа бирикмалари ҳамда маҳсулотлари спектр нурларини ютиб, характерли чизикларни беради. Масалан, ёруғлик нурларини оксигемоглобин эритмаси орқали ўтказиб, спектрнинг сариқяшил қисмида, О ва Е фрауэнгофер чизиқлари орасида иккита характерли қорамтир чизиқни аниқлаш мумкин. Спектрнинг сариқ-яшил қисмидаги бир кенг қора чизиқ қайтарилган гемоглобин учун характсрлидир (5-расм).
Оксигемоглобин гемоглобиндан ранги билан бирмунча фарқланади, шунинг учун оксигемоглобинли артериал қон қипқизил бўлади (қон кислородга қанча кўп тўйинган бўлса, қизил ранги шунча равшан кўринади). Веноз қонда редукцияланган гемоглобин кўпроқ, бундай қон тўқ олча рангида бўлади.