Dunyo tillari tizimida o‘zbek tilining tutgan o‘rni hozirgi kunda yer yuzida o‘n milliarddan ko‘proq

7. Fe’llar harakatning bajarilish, bajarilmasligiga ko’ra 2 ga bo’linadi:

a) bo’lishli fe’llar – ish-harakatning bajarilishini bildiradi, maxsus shakli yo’q: bor, yoz, tur, o’yla

b) bo’lishsiz fe’llar – ish-harakatning bajarilmasligini, inkor ma’nosini ifodalovchi shakl, maxsus ko’rsatgichi –ma: borma, yozma
FE`L NISBATLARI
Fe’ldan anglashilgan harakat-holat bilan shu harakatni yuzaga chiqaruvchi shaxs o‘rtasidagi munosabatni ifodalovchi fe’l shakllariga nisbat shakllari, shunday shakllar tizimiga esa nisbat kategoriyasi deyiladi.

Nisbat shakli fe’lning tasniflovchi lug`aviy shakli hisoblanadi. Nisbatini yo`qotgan fe’l fe’ldan chiqib ketadi: ko`ra, qaraganda, qaramay, osha, o`ta, eshitishimcha, aytishlaricha, demak, qarab. Nisbat shakli fe’lga o`zak yoki negizdan keyin, ya’ni boshqa shakl yasovchilardan oldin qo`shiladi. Nisbat shaklining besh turi ajratiladi:

1.Aniq nisbat. Bajaruvchisi aniq bo`lgan harakat yoki holatni bildirgan fe’l shakli. Maxsus qo`shimchaga ega emas, ya’ni nol shaklli: bildi, ko`rdi, so`radi, aytmadi, qaytmadi. Boshqa nisbat shakllari aniq nisbat shakliga qo’shimchalarni qo’shish bilan hosil qilinadi.