Дала экинларининг асосий зараркунандалари

Кураш чоралари. Уруғларнинг униши ва майсаларнинг кўкариб чиқишини тезлаштириш учун уруғларни экишдан олдин яхшилаб намлаш, ерни сифатли ишлаш каби агротехник тадбирлар майса пашшаси етказадиган зарарни камайтиради. Майса пашшалари кўп учрайдиган ерларга органиқ ўғитларни кузда солиш маъқул.
Кавказ ортида заҳарли кунжара солинган тузоқ ўрачалардан фойдаланиб кимёвий йўл билан курашиш яхши натижа бермоқда (Рекач). Бу усулда дала четларининг 5—6 жойига чуқурлиги 0,25 м ва майдони 0,75—1 м² келадиган тўрт бурчакли ўрачалар қазилади. Бу ўрачаларга уларнинг тупроғи тамоман намиққунча сув қўйилади, сўнгра 3 фоизли натрий арсенат билан заҳарланган 10—15 кг кунжарага 25—50 % тупроқ қўшиб солинади. Икки-уч декада давомида ўрачалардаги кунжара қуриган сари, сув солиб намланиб турилади. Майса пашшаларининг кўпчилиги одатда ана шу ўрачаларга тухум қўяди, тухумдан чиққан лнчинкалар заҳарли кунжарани еб нобуд бўлади. Ивитилган кунжарани ўрачаларга заҳарламай солиш ҳам мумкин; бу ҳолда тухумдан чиққан личинкалар ўрачаларга 3 фоизли натрий арсенат эритмаси, нефть, мазут ёки қайноқ сув сепиш йўли билан йўқотилади.
Ғўза майсасини пашшалардан ҳимоя қилишда, кўкқурт, симқурт ва қора қўнғизларга қарши курашдаги сингари, тупроққа гексахлоран солиш ёки уруғлик чигитларнн гексахлоран кукунига булғаб олиш ҳам яхши натижа берса керак.
Ғўзапоя куяси
(Hlatyedra vilella Zell)
Ғўзапоя куяси—ғўзанинг ашаддий зараркунандаси бўлган ва ҳозирча Ўзбекистонда учрамайдиган пушти ранг қурт (Pectin ophora gjssypilla Saund) нинг энг яқин қариндошидир. Вояга етган куя, айниқса унинг ёш личинкалари P. gjssypilla Saund. га шунчалик ўхшашки, уларни тажрибакор энтомологларгина фарқ қила олади. Бироқ, ҳаёт кечириш ва зарар етказиш характери жиҳатидан ғўзапоя куяси пушти ранг қуртдан равшан фарқланиб туради.
Зарари. Чигит ўз вақтида экилса, ғўза яхши парвариш қилинса, куя зарар етказмайди. Ғўзапоя куяси заифлашиб ва ўсишдан орқада қолган ғўзагагина иқтисодий жиҳатдан сезиларли зарар етказади. Бироқ, бу зараркунандани Ўзбекистонда карантин қилинган зараркунанда—пушти ранг қурт деб ўйламаслик учун ўсимликларни ҳимоя қилувчи мутахассис ғўзапоя куясини пухта билиб олнши зарур.