Дала экинларининг асосий зараркунандалари

Бошқа зараркунандалар
Шу мавзуда кўрсатилган зараркунандалардан ташқари, Марказий Осиё полизларида ўргимчаккана(Tetranychus telarius L.) айниқса полиз экинларига қора чигиртка билан қизил чигиртка, тамаки трипси, карам, картошка, пиёз, помидорга зарар етказади. Тамаки трипси бевосита зарар етказишдан ташқари баъзан помидорнинг сўлиш касаллигини тарқатади; лавлаги, помидор, айниқса полиз экинлари полиз бити зарарлайди, у айрим полиз экинларини нобуд қилади ва ҳосилини жуда камайтириб юборади; акация бити лавлагига ва полиз экинларига полиз бити билан бирга тушади, дуккакли экинларни янада кўпроқ зарарлайди; бодринг, помидор ва лавлагига Плотников бити тушади.
Дуккакли экинларга кўпинча лавлаги бити ёки дуккак бити; картошка, лавлаги, бақлажон, хрен, турп, редискага оранжерея бити зарар етказади.
Полиз экинлари, итузумгулли, бутгулли ва дуккакли ўсимликлардаги битларга қарши курашиш учун анабазин ёки никотин препаратларини икки марта пуркаш ёки чанглаш керак (бир дорилаш билан иккинчи дорилаш орасида 7-10 кун ўтади).
Бухоро вилоятининг Қоракўл туманида картошкага ғўза цикадаси ёки чирилдоғи зарар етказганлиги аниқланган эди. Картошка сабзи ва бошқа сабзавот экинларига баъзан Комсток қурти зарар етказади; кўпгина полиз экинларига, айниқса қизилчага беда қандаласи, лавлаги қандаласи ва дала қандаласи ва полиз ва сабзавот экинларига симқуртлар билан қора қўнғизлар; лавлаги ва картошкага наривниклар, Ваriz авлодининг филчалари ва қизилбош шпанка зарар етказади. Бутгулли экинларга баъзан Ваris авлодннинг филчалари, рапс баргхўри билан горчица баргхўри зарар етказади; ҳамма сабзавот ва полиз ўсимликларига ўсимта пашшаси; карамга горчица оқ капалаги зарар етказади; турли сабзавот экинларига, айниқса помидор ва лавлагига карадрина зиён етказади, помидор, қалампирга, баъзан эса бошқа сабзавот экинларига ҳам кўсак қурти тушади; барча сабзавот ва полиз ўсимликларига кўк қурт тунлами билан ундов тунлами ва баъзан ёввойи тунлам тушади; помидорга, беда тунламининг анча зарар етказиши аниқланган.
Полиз экинларига кўпинча пластинка тишли каламуш зарар етказади; турли сабзавот ўсимликларига, айниқса пиёзга кўрсичқон тушади; илдизмевалар билан картошкага жамоа бўлиб яшайдиган дала сичқони ва турли сабзавот экинларига Северцов сичқони зарар етказади.