Д. Раҳматуллаева, У. Ходжаева, Ф. Атаханова

Матолар. 
XIX аерда ўзбек миллий кийимларини тикишда 
ишлатиладиган асосий матолар қаторига ип газлама, ипак нимшойи ва жун 
газламалар киради. Ип газламаларнинг турлари жуда кўп. Айниқса, оч
жигарранг, сариқ тусли бўзлар кенг таркалган бўлиб, улардан барча ёшдаги 
кишилар учун чопонлар, шунингдек, ички кийимлар, саллалар тикилган. 

---

246 
Аёлларнинг рўмоллари, дакана ва лачакларини тикиш учун дока ишлатилган. 
Эркакларнинг кўйлаклари хомсурп, сидирға чит, ип газламали каламидан 
тикилган. Йўл-йўл ип газлама мато — олачалар кўпроқ чопон тикишда 
қўлланилган. 
Чопон тикишда шунингдек бўз ёки карбос (оддий буялмаган ип 
газлама), босма (кўпрок. қизил тусдаги гулли бўз), олача (бўялган ипдан 
тўқилган йўл-йўл ип газлама), йўл-йўл нимшойи матолардан ҳам 
фойдаланилган. 
Бухоро, Самарканд, Қўқон, Марғилон, Наманган ва бошқа шаҳарларда 
анъанавий ўзбек ипак (кановуз, шойи, хонатлас), нимшойи (беқасам, 
банорас, адрас) газламалардан тикилган турфа кийимлар бой-бадавлат 
кишилар орасида расм бўлган. 
Қуйида мана шу матоларнинг айримларига таъриф берамиз. 
Беқасам — йўл-йўл газмол бўлиб, ундан эркак, аёл ва болалар учун 
кундалик кийиладиган тўнлар, кўрпа-кўрпачалар тикишда фойдаланилган. 
Банорас — беқасамдан ранг турлари билан фарқланиб, ундан аёлларнинг 
устки кийими бўлмиш паранжи тикилган. 
Парпаша — беқасамдан қалинроқ мато бўлиб, у паранжи, шунингдек, 
чопон тикишда ишлатилган. 
Адрас — абр иплар билан гул солинган нимшойи газмол. Шунингдек, 
кановуз, шойи, хонатлас, гулдор кимхоб, духоба кабилар ҳам кенг 
қўлланилган. 
Шойи ва нимшойи матолар — беқасам, адрас, якруё, катак шойи, 
товланма шойи, абршойи ва ҳ.к. турли-туман гуллар солинган. 
XIX асрнинг биринчи ярмида Ўрта Осиёга Русиядан ип газлама ва 
бошқа матоларнинг келтирилиши сабабли XIX аср охири ва XX аср бошида 
маҳаллий аҳоли орасида асосан фабрикада тайерланган ип газламалар: чит, 
бўз, коленкор, хом сурпдан тикилган кийим-кечакларни кийиш расм бўлган. 
Бой-бадавлат кишилар эса кимхоб, ипак, атлас, духоба, ранг - баранг 
мовутларни сотиб ола бошлаганлар. 

---

247 
Шунга карамай, косиблар дастгохидан чиққан маҳаллий газлама: мато, 
бўз, нимшойи каби газмоллар (адрас, беқасам, подшои, кимхоб, хонатлас, 
катакшойи кабилар)нинг турли хилларига эҳтиёж катта бўлган. 
Маълумки, ўзбек халқи ўзининг миллий маросимларида алоҳида 
кийинади. Никоҳ ёки хатна тўйида келин-куёвлар либослари, тўй боланинг 
кийими, дафн маросимида марҳумни ёдлаш даврида кийиладиган либосларга 
бўлинади.