Cover page obzor iqtisodiy-last 7B. cdr

5-боб. Қарздорни банкрот деб топиш билан
боғлиҚ ишлар бўйича суд амалиёти
185
бошқарувчиси А .Ғуломов тайинланган . Тугатиш бошқарувчисининг 
зиммасига МЧЖни тугатишга доир иш юритиш таомилини қонун 
ҳужжатлари талаблари асосида амалга ошириш ҳамда тугатишга 
доир иш юритишни ўтказиш натижалари бўйича ҳисобот тақдим 
этиш юклатилган .
МЧЖни тугатишга доир иш юритиш жараёнида унинг 
кредиторларидан бири бўлган “Алвон” хусусий корхонаси 2017 йил 
25 декабрда назорат тартибидаги шикоят билан мурожаат қилиб, 
биринчи инстанция судининг ҳал қилув қарорини бекор қилишни 
сўраган . Шикоятда ҳал қилув қарорини бекор қилиш учун МЧЖ 
кредиторларининг биринчи йиғилиши ўтказилмаган бўлсада, 
биринчи инстанция суди томонидан ҳал қилув қарори қабул 
қилинганлиги важ қилиб келтирилган .
Ҳайъат “Алвон” хусусий корхонасининг назорат тартибидаги ши-
коя тини кўриб чиқиб, ҳал қилув қарорини бекор қилиб ишни янги-
дан биринчи инстанция судида кўриш тўғрисида қарор қабул қилган . 
Ҳайъат бундай хулосага келишда Қонун 71-моддасининг биринчи 
қисмига асосланган .
Қонун 71-моддасининг биринчи қисмида кредиторларнинг 
биринчи йиғилиши қарздорни банкрот деб топиш ҳақидаги ариза 
иш юритишга қабул қилинганлиги тўғрисида иқтисодий суд чиқарган 
ажримда иқтисодий суд мажлисини ўтказишнинг белгиланган 
санасига камида беш кун муддат қолганида ўтказилиши лозимлиги 
белгиланган .
5.9. Расмий нашрда кузатув таомили жараёни ҳақида
эълон қилинган маълумотларда банкротлик тўғрисидаги 
ишни кўриш бўйича суд мажлиси ўтказиладиган сана 
кўрсатилади. 
“нодира” хусусий корхонаси (кейинчалик мисол матнида ”Хусу-
сий корхона” деб юритилади) “Жасур” МЧЖни (кейинчалик мисол 
матнида ”МЧЖ” деб юритилади) банкрот деб топишни сўраган .

---