Cover page obzor iqtisodiy-last 7B. cdr

5-боб. Қарздорни банкрот деб топиш билан
боғлиҚ ишлар бўйича суд амалиёти
183
комиссия томонидан қарздорни тугатиш билан боғлиқ ишларни 
олиб боришда Хусусий корхонанинг 2017 йил 1 февраль ҳолатига 
солиқлар ва бошқа мажбурий тўловлардан 4 350 000 сўм қарздорлиги 
мавжудлиги ва уни тўлаш учун қарздорнинг пул маблағлари ва мол-
мулки йўқлиги аниқланган .
Шу сабабли туман ҳокимлиги ҳузуридаги доимий махсус комиссия 
ариза билан судга мурожаат қилиб, Хусусий корхонани банкротлик-
нинг соддалаштирилган таомили бўйича банкрот деб топишни 
сўраган .
Биринчи инстанция судининг 2017 йил 8 апрелдаги ҳал қилув 
қарори билан Хусусий корхона банкрот деб топилган ва тугатишга 
доир иш юритиш бошланган .
Ўзбекистон Республикаси Вазирлар Маҳкамасининг 1999 йил 
3 июлдаги 327-сон қарори билан тасдиқланган “Молия-хўжалик 
фаолиятини амалга оширмаётган ва қонунчиликда белгиланган 
муддатларда ўзларининг устав жамғармаларини шакллантирмаган 
корхоналарни тугатиш тартиби тўғрисида”ги низом 3 .1-бандининг 
учинчи хатбошисига кўра хўжалик суди томонидан корхонани тугатиш 
тўғрисида қарор қабул қилинган тақдирда тугатиш жараёни унинг 
топшириғига кўра махсус комиссия томонидан амалга оширилади . 
Ушбу низомнинг 3 .5-бандига биноан хўжалик судининг қарори 
кучга кирган вақтдан бошлаб корхона ишларини бошқариш бўйича 
барча ваколатлар махсус комиссияга ўтади .
Қонуннинг 8-моддасида асосан тугатиш комиссияси (тугатувчи), 
агар юридик шахс тугатилаётганда кредиторларнинг талабларини 
тўлиқ ҳажмда қондириш имконсизлиги аниқланган бўлса, қарз-
дорнинг аризаси билан иқтисодий судга мурожаат этиши шартлиги 
белгиланган . 
Бироқ мазкур ҳолатда тугатиш комиссияси қарздорнинг аризаси 
билан эмас, балки ўзини аризачи сифатида кўрсатган ҳолда судга 
Хусусий корхонани банкротликнинг соддалаштирилган таомили 
бўйича банкрот деб топишни сўраб ариза билан мурожаат қилган .
Ваҳоланки, Қонуннинг 6-моддасида қарздорни банкрот деб 
топиш тўғрисидаги ариза билан мурожаат этишга ҳақли бўлган 
шахслар кўрсатилган бўлиб, улар сафида туман (шаҳар) ҳокимлиги 

---