Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
182
Қўмита 2018 йил 13 февралда назорат тартибидаги шикоят билан 
мурожаат қилиб, биринчи инстанция судининг 2017 йил 8 ноябрдаги 
ажримини бекор қилишни сўраган .
Ҳайъатнинг қарори билан биринчи инстанция судининг ажрими 
бекор қилиниб, биринчи инстанция судига Қўмитанинг тугатиш 
бошқарувчисини вазифасидан озод қилиш тўғрисидаги аризасини 
кўриб чиқишда тугатиш бошқарувчисининг сохта банкротлик, 
банкротликни яшириш ёки қасддан банкротликка олиб келиш 
аломатлари мавжудлигини текшириш тўғрисида Қўмитага тақдим 
этган хулосасидаги камчиликларга эътибор қаратиш, шунингдек 
кейинчалик тегишли тугатиш бошқарувчиси томонидан камчиликлар 
бартараф этилган ҳолда қайта тайёрланган хулоса Қўмитага 
юборилишидан олдин тўлиқ ўрганиб чиқилиб ва у қонун ҳужжатлари 
талабларига мувофиқ тайёрланган бўлсагина юборилиши лозимлиги 
тўғрисида кўрсатма берилган .
Биринчи инстанция суди Қўмитанинг аризасини кўриб чиқиб, уни 
қаноатлантириш ва тугатиш бошқарувчиси Д . Султоновни вазифа-
сидан озод этиб, унинг ўрнига Р .Саломовни тугатиш бошқарувчиси 
этиб тайинлаш тўғрисида ажрим чиқарган .
5.7. тугатиш комиссияси (тугатувчи) юридик шахс 
тугатилаётганда кредиторларнинг талабларини тўлиқ ҳажмда 
қондириш имконияти йўқлигини аниқлаган бўлса, хўжалик 
судига (иқтисодий судга) тугатиш комиссияси номидан эмас, 
балки қарздорнинг аризаси билан унинг номидан қарздорни 
банкротликнинг соддалаштирилган таомили бўйича банкрот 
деб топиш ҳақидаги ариза билан мурожаат қилади.
“Дурдона” хусусий корхонаси (кейинчалик мисол матнида Хусусий 
корхона деб юритилади) уч ой давомида молия-хўжалик фаолиятини 
амалга оширмаганлиги сабабли суднинг 2016 йил 25 декабрдаги ҳал 
қилув қарори билан тугатилган . Тугатишга оид иш юритиш туман 
ҳокимияти ҳузуридаги доимий махсус комиссияга юклатилган . 

---