Cover page obzor iqtisodiy-last 7B. cdr

5-боб. Қарздорни банкрот деб топиш билан
боғлиҚ ишлар бўйича суд амалиёти
181
Тугатиш бошқарувчиси томонидан сохта банкротлик, банкрот-
ликни яшириш ёки қасддан банкротликка олиб келиш аломатлари 
мавжудлигини текшириш тўғрисидаги хулосаси судга тақдим этилган 
бўлсада, уни тузишда Қоидаларнинг 37-бандидаги талабларга риоя 
қилинмаган . Яъни, ушбу банднинг “а”-кичик бандида белгиланган 
хулоса тузилган сана ва жой, “в”-кичик бандида белгиланган суднинг 
номи, иш рақами, иқтисодий суднинг банкротликнинг тегишли 
тартиботини жорий этиш тўғрисидаги қарори (ажрими) чиқарилган 
сана ва суднинг суд бошқарувчисини тайинлаш тўғрисидаги ҳужжати 
чиқарилган саналари қайд этилмаган . Аммо шундай бўлсада хулоса 
суд томонидан қабул қилинган .
Суд томонидан тугутиш бошқарувчисининг қарздорни сохта 
банкротлик, банкротликни яшириш ёки қасддан банкротликка 
олиб келиш аломатлари мавжудлигини текшириш юзасидан 
тузилган хулосаси тегишли тартибда Ўзбекистон Республикасининг 
Хусусийлаштирилган корхоналарга кўмаклашиш ва рақобатни 
ривожлантириш давлат қўмитасига (кейинчалик мисол матнида 
”Қўмита” деб юритилади) 2017 йил 20 сентябрда жўнатилган . 
Ўз навбатида, судга Қўмита томонидан комиссия йиғилишининг 
2018 йил 19 майдаги 56-сонли баёни юборилган . Ушбу баённинг 
8-бандига кўра комиссия йиғилишида Д .Султоновнинг хулосаси 
кўриб чиқилиб, Қоидаларнинг 5-банди талабларига мувофиқ 
МЧЖнинг молиявий фаолияти тўлиқ таҳлил қилинмаганлиги
ва хулоса асослаб берилмаганлиги сабабли хулоса тасдиқланмаган
ва уни қайта тайёрлаб, суд томонидан такроран юборилиши 
лозимлиги тўғрисида қарор қабул қилинган .
Қўмита комиссия йиғилишининг 2017 йил 19 октябрдаги 56-сонли 
баёнини судга юбориш билан бирга Қонун 25-моддаси биринчи 
қисмининг еттинчи хатбошисига мувофиқ тугатиш бошқарувчисини 
вазифасидан озод қилиш тўғрисидаги ариза билан ҳам мурожаат 
қилган .
Суд аризани иш юритишга қабул қилиб, уни кўришни 2017 йил 
8 ноябрга тайинлаган . Бироқ қўмитадан вакил иштирок этмаганлиги 
сабабли шу куни ариза ХПк 88-моддасининг 6-бандига асосан 
кўрмасдан қолдирилган .

---