Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
186
Биринчи инстанция судининг 2017 йил 29 сентябрдаги ҳал қилув 
қарори билан МЧЖ банкрот деб топилган ва тугатишга доир иш 
юритиш бошланган .
МЧЖ кредиторларидан бири бўлган якка тартибдаги тадбиркор 
Рашидов Олим 2017 йил 16 декабрда назорат тартибидаги шикоят 
билан мурожаат қилиб, биринчи инстанция судининг ҳал қилув 
қарорини бекор қилишни сўраган . Унинг шикоятида ҳал қилув 
қарорини бекор қилишга МЧЖ муваққат бошқарувчисининг унга 
нисбатан кузатув таомили жорий этилганлиги тўғрисида оммавий 
ахборот воситаларида берган эълонида суд мажлиси ўтказиладиган 
сана кўрсатилмаганлиги ва суднинг суд мажлиси вақти ва жойи 
тўғрисида хабардор қилиш тўғрисидаги суд ажримини кеч олганлиги 
сабабли ҳал қилув қарори қабул қилинган кундаги суд мажлисида 
иштирок этолмаганлиги важ қилиб келтирилган .
Ҳайъатда якка тартибдаги тадбиркор Рашидов Олимнинг назорат 
тартибидаги шикояти асосида иш қайта кўриб чиқилган .
Ҳайъатда ишни кўриш жараёнида аниқланишича, биринчи 
инстанция судининг 2017 йил 2 августдаги ажрими билан Хусусий 
корхонанинг аризаси иш юритишга қабул қилиниб, МЧЖга нисбатан 
банкротлик иши қўзғатилган ва кузатув таомили жорий этилиб, 
иш бўйича муваққат бошқарувчи тайинланган . Мазкур ажрим 
билан ишни кўриш 2017 йил 29 сентябрга тайинланган ва муваққат 
бошқарувчи зиммасига иш бўйича кузатув таомили жорий этилган-
лиги билан боғлиқ маълумотларни Қонуннинг 52-53-моддаларида 
белгиланган тартибда эълон қилиш вазифаси юклатилган .
Муваққат бошқарувчи томонидан “Солиқ инфо” газетасининг
2017 йил 17 августдаги сонида МЧЖга нисбатан банкротликнинг 
кузатув таомили жорий қилиниб, муваққат бошқарувчи этиб 
С .Йўлдошев тайинланганлиги ва кредиторлар эълон чиққан кундан 
эътиборан бир ойлик муддат ичида МЧЖга нисбатан ўз талабларини 
билдиришлари мумкинлиги ҳамда 2017 йил 18 сентябрда 
ўтказиладиган кредитор лар биринчи йиғилиши кун тартибидаги 
масалалар юзасидан эълон берилган . Аммо эълонда банкротлик 
тўғрисидаги ишни кўриш бўйича суд мажлисининг иқтисодий суд 
томонидан белгиланган санаси кўрсатилмаган .

---