Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
188
Тугатиш бошқарувчиси томонидан 2017 йил 28 октябрда 
тугатишга доир иш юритишни ўтказиш натижалари бўйича ҳисобот 
тақдим этилган .
Аммо суднинг 2017 йил 3 ноябрдаги ажрими билан тугатиш 
бошқарувчиси томонидан қарздорнинг мол-мулкларини аниқлаш 
бўйича амалга оширилган ишларни тасдиқловчи далиллар тўлиқ 
тақдим этилмаганлиги учун ҳисобот асоссиз деб топилган ва суд 
тугатишга доир иш юритишни тамомлашни рад этиш ҳақида ажрим 
чиқариб, камчиликларни бартараф этишни талаб қилган .
АЖ кредиторларидан бири бўлган “Ҳумоюн” хусусий 
корхонаси 2017 йил 12 ноябрда назорат тартибидаги шикоят 
билан мурожаат қилиб, биринчи инстанция судининг ҳал қилув 
қарорини бекор қилишни сўраган . Шикоятда суд ҳужжатини бекор 
қилиш учун ҳал қилув қарорида тугатишга доир иш юритишни 
ўтказиш натижалари бўйича ҳисобот тақдим этиш муддати 
аниқ кўрсатилмаганлиги натижасида тугатиш бошқарувчиси 
томонидан ушбу ҳисобот тугатишга доир иш юритишнинг бир 
йиллик муддати ўтгандан кейин тақдим этилганлиги ва у ҳам 
суд томонидан асоссиз деб топилганлиги сабабли ҳозирги кунга 
қадар ҳисобот тақдим этилмаганлиги, ҳатто тугатишга доир иш 
юритиш муддати ўтиб кетган бўлсада, суд томонидан тугатишга 
доир иш юритиш муддатини узайтириш тўғрисида ажрим ҳам 
чиқарилмаганлиги асос қилиб келтирилган . Шунингдек, шикоятда 
суд томонидан тугатишга доир иш юритиш муддатини узайтириш 
тўғрисида ажрим чиқарилмаганлиги ва ушбу ажрим билан 
ҳисоботни тақдим этиш муддати белгиланмаганлиги натижасида 
банкротлик ишини кўриш муддати асоссиз равишда чўзилиб 
кетаётганлиги қайд этилган .
Шу сабабли Ҳайъатнинг 2017 йил 1 декабрдаги қарори билан 
шикоят қисман қаноатлантирилиб, биринчи инстанция суди ҳал қилув 
қарорининг хулоса қисми “Тугатиш бошқарувчиси зиммасига АЖни 
тугатишга доир иш юритиш натижалари ҳақидаги ҳисоботни 2017 йил 
15 декабрга қадар судга тақдим этиш мажбурияти юклатилсин” деган 
жумла билан тўлдириш орқали ҳал қилув қарори ўзгартирилган . 
Банкротлик ишини кўраётган судьяга нисбатан суд ҳужжатини 

---