Cover page namunalar app curves cdr

А Ж Р И М
(қўшимча ҳал қилув қарори қабул қилишни рад этиш ҳақида)
2018 йил 23 апрель куни ____________ -сонли маъмурий ишни
__________ туман маъмурий суди ўз биносида,
судья Ж.Уразбоевнинг раислигида,
Д.Павлованинг котиблигида,__________ туман прокурори ёрдамчиси
А.Розиқов, аризачи вакили О.Рахимов, жавобгар вакили А.Сотволдиев
иштирокида, аризачи "Шамс" фермер хўжалигининг жавобгар________
туман ҳокимлигига нисбатан туман ҳокимининг қарорини ҳақиқий эмас 
деб топиш ҳақидаги аризаси бўйича юритилаётган иш юзасидан "Шамс" 
фермер хўжалигининг қўшимча ҳал қилув қарори қабул қилиш тўғри- 
сидаги аризасини очиқ суд мажлисида кўриб чиқиб, қуйидагиларни
А Н И Қ Л А Д И:
_________туман ҳокимининг 2017 йил 15 майдаги 15/2-сонли қарори
билан "Шамс" фермер хўжалиги (бундан буён матнда аризачи деб 
юритилади)нинг 470-контурдаги 15,8 гектар ер майдони туман захира 
ер фондига қайтарилган.
Кейинчалик, аризачи жавобгарнинг 2017 йил 15 майдаги 
15/2-сонли қарори ноқонуний қабул қилинган деб ҳисоблаб, уни 
ҳақиқий эмас деб топиш тўғрисида судга ариза билан мурожаат қилган.
Биринчи инстанция судининг 2018 йил 12 апрелдаги ҳал қилув
қарори билан ариза қаноатлантирилиб_________туман ҳокимининг 2017
йил 15 майдаги 15/2-сонли қарори ҳақиқий эмас деб топилган.
Аризачи қўшимча ҳал қилув қарорини қабул қилиш тўғрисида- 
ги ариза билан судга мурожаат қилиб, унда бугунги кунда низодаги 
ер майдонини "Замон" фермер хўжалиги фойдаланиб келаётганлиги 
маълум бўлганлиги, ер участкасидан чиқиш ҳақидаги аризачининг 
қонуний талаби у томонидан бажарилмаётганлиги ва фаолиятига 
тўсқинлик қилаётганлигини маълум қилиб, туман ҳокими қарори 
ҳақиқий эмас деб топилиши муносабати билан ер майдони унга 
қайтарилиши лозимлиги сабабли "Замон" фермер хўжалигини ушбу ер 
майдондан мажбурий тартибда чиқариш тўғрисида қўшимча ҳал қилув 
қарори қабул қилишни сўраган.
Суд мажлисида аризачи вакили аризада келтирилган важларни 
қувватлаб, аризани қаноатлантиришни сўради.

---

Жавобгардан вакил суд мажлисига келмади.
Ўзбекистон Республикаси Маъмурий суд ишларини юритиш тўғ- 
рисидаги кодекси 148-моддасининг учинчи қисмига мувофиқ иш 
муҳокамасининг вақти ва жойи тўғрисида тегишли тарзда хабардор 
қилинган жавобгар, учинчи шахслар суд мажлисига келмаса, иш 
уларнинг йўқлигида кўрилиши мумкин.
Шунга кўра суд низони жавобгарнинг йўқлигида ҳал қилишни 
лозим деб топади.
Суд, аризачи вакилининг тушунтиришларини, прокурорнинг 
аризани рад этиш тўғрисидаги фикрини эшитиб, иш ҳужжатларини 
ўрганиб чиқиб, қуйидагиларга кўра қўшимча ҳал қилув қарори қабул 
қилишни рад этишни лозим деб топади.
Ўзбекистон Республикаси Маъмурий суд ишларини юритиш тўғ- 
рисидаги кодекси 162-моддасининг биринчи қисмига кўра, ҳал қилув 
қарорини қабул қилган суд, агар ишда иштирок этувчи шахслар 
далиллар тақдим этган бирор-бир талаб бўйича ҳал қилув қарори қабул 
қилинмаган бўлса, суд ҳуқуқ тўғрисидаги масалани ҳал қилиб, жавобгар 
амалга ошириши шарт бўлган ҳаракатларни кўрсатмаган бўлса, суд 
харажатлари тўғрисидаги масала ҳал этилмаган бўлса қўшимча ҳал 
қилув қарорини қабул қилади.
Қўшимча ҳал қилув қарорини қабул қилишга асос бўлувчи 
ҳолатлар рўйхати тугал бўлиб, уни кенгайтирилган тарзда талқин этиб 
бўлмайди.
Аризачи жавобгарнинг 2017 йил 15 майдаги 15/2-сонли қарорини 
ҳақиқий эмас деб топиш тўғрисида судга ариза билан мурожаат қилган 
бўлиб, аризада "Замон" фермер хўжалигини низодаги ер майдонидан 
мажбурий тартибда чиқариш талаби қўйилмаган.
Мазкур холатда қўшимча ҳал қилув қарорини қабул қилишга 
асослар мавжуд эмас.
Ушбу ҳолатда аризачи учинчи шахсларни ер майдонидан 
мажбурий тартибда чиқариш талаби билан даъвогар ва жавобгарнинг 
ҳуқуқий ҳолатига қараб фуқаролик ишлари бўйича туман судига ёки 
иқтисодий судга мурожаат қилиши лозим.
Бундай ҳолатда суд аризачининг аризасини қаноатлантирмасдан 
қолдиришни лозим деб топади.
Юқоридагилардан келиб чиқиб ҳамда Ўзбекистон Республикаси 
Маъмурий суд ишларини юритиш тўғрисидаги кодексининг 162, 168 ва 
169-моддаларини қўллаб, суд

---

А Ж Р И М Қ И Л Д И :
"Шамс" фермер хўжалигининг қўшимча ҳал қилув қарорини қабул 
қилиш тўғрисидаги аризасини қаноатлантириш рад этилсин.
Ажрим устидан 20 (йигирма) кун ичида апелляция тартибида 
шикоят бериш (протест келтириш) мумкин.
Судья 
Ж.Уразбоев
267

---

ИШЛАР БЎЙИЧА СУД ҲУЖЖАТЛАРИ НАМУНАЛАРИ