Communication and information agency of uzbekistan tashkent information technologies

14 – маъруза


РКТ да бошқариш тамойиллари

Бошқарувчи қурилмалар ихтиёрий автоматик телефон станциянинг энг муҳим қурилмаларидан бири ҳисобланади. БК нинг умумий вазифаси, станциянинг КМининг кириш ва чиқишлари уртасида боғловчи линияларни улаш ўрнатиш мақсадида келаётган чақирувлар оқимига хизмат кўрсатиш жараёнини бошқариш ва сўзлашув трактини ташкил этишдан иборатдир. Ихтиёрий чақирувга хизмат кўрсатилганда БКлари талаб килинаётган уланиш тўғрисида ахборотни қабул қилади, уни кайта ишлайди, КМ да буш боғловчи линияларни излашни амалга оширади ва уланишни ўрнатади.

БКларнинг турли хиллари мавжуд бўлиб, улар АТС КМ сининг турли тузилмаларига КМ ни ташкил этувчи коммутация асбобларнинг турли конструкцияларига ва бошқа омилларига боғлиқдир. ҳар бир янги АТС тизимини яратилиши билан янги БК тури ҳам юзага келарди. Электромеханик АТС тизимларида БКининг таркиби асосан қабул қилинган бошқарув усулларига (бевосита ва билвосита) ҳамда уланиш ўрнатиш усулларига (тўғри ёки айланма) боғлиқдир. Бу тизимларнинг БКлариниг ривожланиши индивидуал (якка) БКларидан гуруҳли ҳамда БКларни марказлаштириш йулидан борди, натижада уларни ишлатиш самарадорлиги ортди.
Марказлаштириш даражаси БК элемент базасининг тезкор ишлашига ва унинг ишончлилик характеристикаларига боғлиқдир. Электрон элементларни қўллаш юқори даражадаги марказлаштириш имконини беради. Бунда чақирувларга хизмат кўрсатиш жараёнини бошқаришнинг тамойилиал янги усулларини яратиш имкони тугилди. Дастурий бошқарув МБК(ЦУУ) мавжудлигини назарда тутади, унга абонентга боғлиқ булмаган маълум алгоритм бўйича чақирувларга хизмат кўрсатиш жараёнини таъминловчи, АТС ишини белгиловчи аввалдан берилган дастур ёзилади.
Дастурий бошқарув КЭ ва электрон турдаги барча замонавий автоматик коммутация тизимларида ишлатилади.

Иккита дастурий усул мавжуд:

1. Монтажланган;
2. Ёзилган дастур бўйича.
Рақамли ЭАТСлар яратишда ёзилган дастур бўйича бошқарув усули энг кўп тарқалди.