Communication and information agency of uzbekistan tashkent information technologies

Ўқув фанинииг мақсади ва вазифалари

Фанни ўқитишдан мақсад –талабаларда телекоммуникация тармоқларидаги рақамли коммутация тизимида қўлланиладиган турли алоқа воситалари турлари, тузилиши ишлатиш кўлами, ҳисоблаш асослари ва уларни муайян шароитларга мос ҳолда танлаш усуллари бўйича йўналиш профилига мос билим, кўникма ва малакаларини шакллантиришдир.

Фаннинг вазифаси - талабаларга рақамли тизимига хос бўлган хусусиятлари, синхронлаш, сигналлаш, импульс-кодли модуляция сигналларни узатиш тамойили, рақамли коммутация тизими дастурий таъминоти, рақамли коммутация тизими қурилиш тамойили, турлари ва тузилишини, ҳамда маълум телекоммуникация тармоқлари учун улардан муносибларни танлаб ҳисоблашга ўргатишдан иборат.


Фан бўйича талабаларнинг билимига, кўникма ва малакасига қўйиладиган талаблар

Рақамли коммутация тизимлари ўқув фанини ўзлаштириш жараёнида амалга ошириладиган масалалар доирасида талаба:

• 
  рақамли коммутация тизимлари учун сигнални рақамли сигналга айлантиришни, рақамли коммутация тизими ни умумий схемасини ва ишлаш жараёнини, рақамли коммутация тизимининг коммутация майдонини қурилиш услубларини, рақамли коммутация тизими ниниг алоҳида функционал блокларини қурилиш услубларини ва ишлаш жараёнини, S- 12 тизимини ўзига хос хусусиятларини, унинг коммутация майдон ва модул қурилиш услубларини билиши керак;
  
• 
  талаба импульс-кодли модуляция трактларини ҳосил қила олиш, берилган параметрлар асосида вақт ва фазовий коммутация блокларини қура олиш, S-12 тизими коммутация майдони қура олиш, S-12 тизимида тушган чақирувга хизмат кўрсатиш босқичларини ишлаб чиқиш, S-12 тизими учун маълумотлар базасини дастурий таъминоти асосида туза олиш, рақамли коммутация тизимига тушаётган юкламани ва қурилмалар сонини тўғри аниқлаш кўникмаларига эга бўлиши керак;
  
• 
  талаба рақамли коммутация тизимининг ҳар хил турларини тахлил қилиш, рақамли коммутация тизими телекоммуникация тармоқларига киритиш асосларини, рақамли коммутация тизимини лойихалаш малакасига эга бўлиши керак.