Communication and information agency of uzbekistan tashkent information technologies

Лаборатория ишларини ташкил этиш бўйича кўрсатмалар

Лаборатория ишлари талабаларда рақамли коммутация тизими учун аналог –рақамли ўзгартиргичлар, синхронлаш, сигналлаш, коммутация майдонидаги фазо коммутация блоки, вақт коммутация блоки ва қурама коммутация блокини қуриш ва тадқиқот қилиш, рақамли коммутация тизими ва S-12 тизими комплектацияси, уни ишга тушириш, абонент ва станция маълумотларини тайёрлаш, тузиш, чақирувга хизмат курсатиш жараёни бўйича амалий кўникма ва малака ҳосил қилади .

Лаборатория ишларининг тавсия этиладиган мавзулари.
1. Рақамли коммутация тизимида синхронлаш.
2. Линиявий кодлар. HDB – 3 коди.
3.Мультиплексорлар негизидаги фазо коммутация блоки .
4.Хотирлаш қурилмалари негизида вақт коммутатори. қурама коммутация блоклари.
5.Хотирлаш қурилмалари негизида фазо–вакт коммутатори.
6. Рақамли коммутация тизими таркиби ва комплектацияси. Станцияни ишга тушириш.
7. Абонент ва станцион маълумотларни тайёрлаш ва тузатиш (тўғрилаш).
8. S-12 тизимининг жиҳозлар таркибини ўрганиш.
9.S-12 тизимининг модул структураси.
10.S-12 тизимининг коммутацион майдонини қурилиш тамойили.
11. S-12 тизимида чакириққа хизмат кўрсатиш босқичлари.
12.P&L модули орқали S-12 тизимини маъмурийлаштириш дастурлари. 13.Маълумотлар базасининг жадвалларни тузишини ўрганиш.
14.Вооtstrap и SYSTEM STARTUP – бошланғич юклаш баённомаси муолажасини ўрганиш
Курс ишини ташкил этиш бўйича кўрсатмалар

Курс ишининг мақсади талабаларни мустақил ишлаш қобилиятини ривожлантириш, олган назарий билимларини қўллашда амалий кўникмалар ҳосил қилиш, бевосита ишлаб чиқаришдаги реал шароитларга мос техник ечимлар қабул қилиш ва замонавий техника ва технологияларини қўллаш кўникмаларини ҳосил қилишдир.

Курс иши бевосита алоқа корхоналарида ишлатиладиган рақамли коммутация тизимларини лойиҳалаш учун мулжаланаган. Курс иши вариантлари умумий талабалар сонидан 20-30% кўпроқ олдиндан тайёрланади.
Ҳар бир талабага шахсий топшириқ берилади.
Курс иши объекти сифатида Ўзбекистон Республикаси телекоммуникация тармоқларига кириб келаётган янги авлод рақамли коммутация тизимлари, яъни S-12, EWsD, C&C08, NEAX -61 ва бошқа тизимлар хизмат қилади. Аниқ бир янги қўрилаётган рақамли автоматик телефон станциясини телекоммуникация тармоғига киритиш ва қуриш усуллари танланади, курс ишида рақамли коммутация тизимини функционал схемасини ишлаб чиқилади, рақамли коммутация тизими учун телефон юкламаси ҳисобланади ва уни йўналишларга тақсимланади, линия ва жихозларни ҳисоблаш усулларини танлайдилар. Станция қурилмаларини йиғадилар ва ҳамма талабларни ҳисобга олиб қурилмаларни коммутация залига жойлаштирадилар. Дастурий таъминотнинг ўзгарувчан қисмини тузадилар.