Цитология эмбриология проф. Қ. Р. Тўхтаев таҳрири остида

СИЙРАК БИРИКТИРУВЧИ ТЎҚИМА ТОЛАЛАРИ 
Коллаген толалар 
(fibrae collagenae). Коллаген (юнон. colla - елим, 
genos- яратмоқ, вужудга келтирмоқ, елим ҳосил қилувчи демакдир) 
фақатгина асл бириктирувчи тўқимада бўлмай, балки суякда – оссеин, 
тоғайда - хондрин толалар номи билан мавжуд. Коллаген толалар сийрак 
бириктирувчи тўқимада турли йўналишда ѐтувчи тўғри ѐки эгри-бугри 
тортмалар ҳолида жойлашади. Коллаген толалар таркибида фибрилляр оқсил 
- коллаген бўлиб, у фибробласт ҳужайраларида полипептид занжирлар 
(проколлаген) шаклида ҳосил бўла бошлайди.Коллаген синтези ва 
фибриллогенез қуйидаги босқичларда амалга ошади: 
I босқич (молекуляр даража) 
- фибробласт донадор эндоплазматик 
тўрида (ЭПТ) узунлиги 280 нм ва диаметри 1,4 нмли тропоколлаген 
молекулалари синтезланади. Тропоколлаген молекуласи маълум бир 
тартибда такрорланувчи 3 та аминокислоталар занжиридан иборат бўлиб, 
улардан биринчиси хоҳлаган аминокислота, иккинчиси пролин ѐки лизин, 
учинчиси эса глициндир. Бу аминокислоталар занжирда кўп марта худди шу 
тартибда қайтарилади. Пролин ва лизин дарҳол гидроксипролин ѐки 
гидроксилизингача оксидланади. Ҳужайра ичида 3 та калта полипептид 

---

205 
занжирлар бир-бирига ўралади ва триплетлар ҳосил қилади. Ҳар бир триплет 
молекуласи уч полипептид занжирдан иборат бўлиб, эни 1,4 нм, узунлиги 
280-300 нм га тенг. Бу триплетлар тропоколлаген деб номланади. Унинг 
молекуляр оғирлиги 360 000 га тенг.Тропоколлаген оқсили ҳужайра 
ташқарисига секреция қилинади. 
II босқич (молекула усти даража)
- тропоколлаген молекулалари 
учлари билан бирикиб, натижада протофибриллалар ҳосил бўлади. 5-6 
протофибриллалар ѐн юзалари билан бирикиб, диаметри 3-5нмли 
микрофибриллаларни ҳосил қилади. 
III