Цитология эмбриология проф. Қ. Р. Тўхтаев таҳрири остида

ЗИЧ ТОЛАЛИ БИРИКТИРУВЧИ ТЎҚИМА 
Сийрак ва зич толали бириктирувчи тўқималар орасида кескин чегара 
ўтказиш мушкул, чунки организмда бириктирувчи тўқиманинг ҳужайралар 
ва ҳужайралараро модда нисбати аста-секин ўзгаради. Толаларнинг 
жойланиш тартиби бўйича зич толали бириктирувчи тўқиманинг 
шаклланган 
ва 
шаклланмаган 
турлари фарқ қилинади. 
Зич шаклланмаган бириктирувчи тўқима терининг тўрсимон қавати ва 
бўғин халтачалари бириктирувчи тўқимасида учраб, унинг коллаген ва 
эластик толалари бир-бирига зич, лекин тартибсиз жойлашганлиги учун 
тўрсимон тузилишга эга. Ҳужайралар тури кўп бўлмай, аморф модда ҳам 
камдир. Ҳужайралар асосан фибробласт ва фиброцитлардан иборат бўлиб, 
улар узунчоқ шаклга эга. 
Зич шаклланган бириктирувчи тўқима эса толаларнинг тартибли 
жойлашиши билан фарқланади. Бу тўқимада толаларнинг жойлашиши куч 
чизиқлари бўйлаб йўналган. Шаклланган бириктирувчи тўқимага пайлар, 

---

209 
боғламлар, фиброз мембраналар ва пластинкасимон бириктирувчи тўқима 
киради. Бу тўқиманинг таркибий қисмларининг тузилишига мукаммалроқ 
тўхтаб ўтамиз. 
Пайлар (tendo).
Пайлар пишиқ тортмалар бўлиб, мушаклар шу пайлар 
орқали суякка бирлашади. Пайлар бир-бирига параллел ѐтувчи йўғон 
коллаген толалардан ташкил топган. Коллаген толалар орасида эластик тўр 
ѐтади. Уларнинг орасида асосий модда жойлашади. Бириктирувчи тўқима 
ҳужайраларидан эса толалар орасида ѐтувчи фиброцитларгина бўлади. 
Фиброцитлар тўртбурчак, учбурчак ѐки трапеция шаклига эга бўлиб, ѐн 
томондан таѐқча шаклини эслатади. Бу ҳужайраларни 
пай ҳужайралари 
деб 
ҳам номланади. 
Пайда ҳар бир коллаген толалар тутами фиброцитлар билан 
чегараланган. Бу толалар 
бирламчи тартибли толалар
дейилади. Бу 
толалар ташқи томондан 
эндотеноний
деб аталувчи сийрак толали 
бириктирувчи тўқиманинг юпқа пардаси билан ўралган. Бирламчи толалар 
йиғилиб иккиламчи толалар тутамини ҳосил қилади. Иккиламчи толалар 
тутами ўз навбатида учламчи толалар тутамини ҳосил қилади. Бу толалар 
тутами ташқи томондан
перитеноний
деб аталувчи сийрак толали 
бириктирувчи тўқимадан иборат парда билан чегаралангандир. Шу 
пардаларда пайларни озиқлантирувчи томирлар ҳамда пайларни иннервация 
қилувчи нерв толалари ва нерв охирлари жойлашади (расм 5.13).