Бюджет тизимида маҳаллий бюжетларнинг даромадларидан самарали фойдаланишни такомиллаштириш

Изланишнинг мақсади ва вазифалари. Ишнинг мақсади иқтисодиётни модернизациялаш шароитида маҳаллий бюджетни самарали бошқариш бўйича илмий таклиф ва амалий тавсияларни ишлаб чиқишдан иборатдир.
Ушбу мақсадга эришиш учун ишда қуйидаги вазифалар қўйилди:

• 
  бюджет тизимида маҳаллий бюджетларни роли ва иқтисодий аҳамиятини ўрганиш;
  
• 
  маҳаллий бюджет даромадларини шаклланиш манбаларини тадқиқ этиш;
  
• 
  маҳаллий бюджетлар харажатларининг гуруҳланиши: мезонлари, тамойиллари ва услубларини ёритиш;
  
• 
  маҳаллий бюджет харажатлари таркиби ва уларнинг асосий кўрсаткичлари таҳлилини амалга ошириш;
  
• 
  маҳаллий бюжетларни молиявий имкониятларини амалдаги холати таҳлилини кузатиш;
  
• 
  махаллий солиқларни иқтисодий холати тахлилини кўриб ўтиш;
  
• 
  иқтисодиётни модернизациялаш шароитида маҳаллий бюджетлар даромадлари ва харажатларининг самарали бошқариш йўллари бўйича амалий тавсияларни ишлаб чиқишдан иборат.
  

Ишнинг ҳажми. Курс иши кириш, уч боб, хулоса, адабиётлар рўйхатлардан иборатдир.

I Боб. Маҳаллий бюжетлар даромадлари ва харажатларини иқтисодий мохияти ва назарий асослари

1.1. Бюджет тизимида маҳаллий бюджетларни роли ва иқтисодий аҳамияти
Ҳудудий иқтисодиёт ва маҳаллий бюджетлар молиявий имкониятлари масалаларини тадқиқ этиш мазкур икки мустақил йўналишнинг жиҳатларини чуқур ўрганишни талаб этади.
Ҳудудлар молияси – Ўзбекистон Республикаси маҳаллий маъмурий ҳудудий тузилмаларининг нақд ва нақдсиз шаклдаги пул ресурслари ва оқимлари йиғиндиси бўлиб, маҳаллий хўжалик эҳтиёжларини нормал даражада таъминлашга ҳамда маҳаллий ҳудуддаги аҳолига ижтимоий-маданий хизматларни пул маблағлари билан таъминлашга хизмат қилади.
Бугунги кунда ҳудудий молия ижтимоий-иқтисодий сиёсатни амалга ошириш қуролига айланиб бормоқда.
Ҳудудий молия:

• 
  маҳаллий аҳамиятдаги ишлаб чиқаришнинг ривожланишига таъсир кўрсатишга;
  
• 
  аҳоли бандлигининг ошишини таъминлашга;
  
• 
  ҳудудий хўжалик комплексининг узоқ муддатли тараққиётини таъминловчи соҳа ва тармоқларга инвестицияларни жалб қилишга;
  
• 
  ҳудуддаги аҳолининг зарур ижтимоий эҳтиёжларини қондиришга хизмат қилади.¹
  

Худудий молия тизимининг таркибига қуйидаги бўғинлар киради: