Buxoro oziq-ovqat va yengil sanoat texnologiyasi

Takrorlash uchun savollar 
1. Donning qobig’ini ajratish usullarini keltiring. 
2. Qobiq ajratish usullari qaysi ko`rsatkichlar bo`yicha tanlanadi? 
3. Qobiq ajratishda qo`llanadigan mashinalarning tavsifini keltiring. 
4. SHoli, suli va arpa donining gul qobig’ini ajratishda qo`llaniladigan 
uskunalarning tavsifini keltiring. 
5. Arpa, bug’doy, makkajuxori donlarining qobig’i qaysi mashinalarda 
ajratiladi? Mashinaning tavsifini keltiring. 
6. Qobiq ajratishning samaradorligi qanday aniqlanadi? 
7. Qobiq ajratish samaradorligiga qanday omillar ta`sir qiladi? Ularning 
tavsifini keltiring. 
Tayanch iboralari.
 
Qobiq ajratish: qisish va siljish, bir martali va ko`p martali urilish, 
abraziv va boshqa qattiq yuzalarda ishqalanish. Qobiq ajratish samaradorligi. 

---

67 
9-MAVZU. QOBIQ AJRATISHDA HOSIL BO`LGAN 
MAHSULOTLARNI SARALASH. 
 
Reja: 
1. Qobiq ajratish mahsulotlarini saralash jarayoni. 
2.
Qobiq ajratishda hosil bo`lgan mahsulotlarning tavsifi. 
3.
Qobiq ajratish jarayonining usullari. 
4.
Qobiq ajratishda hosil bo`lgan mahsulotlarni saralash sxemalari. 
5.
Yorma zavodlarida mahsulotlarni saralash uchun qo`llaniladigan 
elakdonlarning sxemalari.
 
Foydalanilayotgan adabiyotlar 
1. Egorov G.A., Mel’nikov E.M., Maksimchuk B.M. Texnologiya muki, 
krupi, kombikormov. M. Kolos, 1984 g. 
2. Egorov G.A., Martinenko YA.F., Petrenko T.P. Texnologiya i 
oborudovanie mukomol’noy, krupyanoy i kombikormovoy promishlennosti. 
M, MGAPP. 1996 g.
3. Mel’nikov E.M. Texnologiya krupyanogo proizvodstva. M., 
Agropromizdat. 1991 g. 
 
1. Qobiq ajratish mahsulotlarini saralash jarayoni. 
Yorma zavodlaridagi asosiy texnologik jarayonlardan biri - bu yormabop 
ekin donlarining qobig’ini ajratish jarayonidir. 
Arpa, sholi, suli va tariq donlarining gul qobig`ini ajratilishi, grechixa va 
bug’doy donlaridan meva qobig’ini ajratish, no`xatdan esa urug`’ qobiqlarini 
ajratish donlarning turi va tuzilishi, tarkibi va h.k.larning har xilligi tufayli 
yorma zavodlarida har bir tur doni uchun alohida ishlov berish texnologik 
sxemasiga ega bo`lishlikni taqozo etadi. 
Qobiq ajratgich mashinalarida Yorma ekin donlarining qobig’ini 
ajratgandan keyin aralashma hosil bo`ladi. Bu aralashmani beshta mahsulotga 
ajratish mumkin: 
1. Qobig’i ajratilgan mag’iz, gul qobig’idan tozalangan don; 
2. Qobig’i ajratilmagan don - gul qobig’idan tozalanmagan don; 
3. Maydalangan mag’iz - standart bilan ruxsat berilgan butun Yormadan 
o`lchamlari bo`yicha kichik bo`lgan mag’iz bo`lakchalari; 
4. Qobiq - qobiq ajratishda olingan gul plyonkalar (meva, urug`’ qobiqlari). 
5. Un - mag’iz va qobiqni mayda yanchilgan bo`lakchalari, standart bo`yicha 
belgilangan elakdan o`tgan mahsulot.