Buxoro muhandislik-texnologiya instituti

      Muskat  guli
  (masis).    Muskat  yong‘og‘ining  qurutilgan  meva  qavatidan  iborat, 
mevalardan  ajratilgan  po‘choq  chetlaridan  yaproqlari  ajralib  turadigan    keng  
qo‘ng‘iroqcha  ko‘rinishida  bo‘ladi.    U  butun  holda  quritiladi.  Quritishdan  so‘ng 
muskat  guli  qattiq,  juda  mo‘rt,  10-15    kurakchalarga    ajralgan    plastinkalar 
ko‘rinishida bo‘ladi. Plastinkalarning uzunligi 3-4 sm, kengligi 2-3 sm, qalinligi 1 sm 
ni  tashkil  qiladi.    Ular  och-sarg‘ish  yoki  to‘q-sariq  rangda  ega.  Muskat  guli 
maydalangan  holda  ham  ishlab  chiqariladi.  Uning  tarkibiga  10  %    efir  moylari  bor.  
Namligi 10 %  dan ortiq bo‘lmasligi kerak. Muskat guli  ham muskat yong‘og‘i kabi 
maqsadlarda ishlatiladi. 
       Zanjabil
  -  zanjabilguldoshlar  oilasiga  mansub  bo‘lgan    tropik  o‘simlikning  
po‘stloqlaridan  tozalangan  va  quritilgan  ildizpoyalaridan  iborat.    Ta‘mi  va  mazasi 
achchiq,    yoqimli.  Zanjabilning  o‘ziga  xos    hidi    asosiy    qismi  sengibirdan  iborat 
bo‘lgan efir moyining mavjudligi bilan bog‘liq. Zanjabir novvoylik va qandolatchilik 
sanoatida ishlatiladi. 
Zanjabil  ildizpoya  bo‘laklari  va  yanchilgan  tarzda  ishlab  chiqariladi.  Zanjabilning 
namligi  12  %  dan  ortiq,  efir  moyining  miqdori  1,4%  dan  kam  bo‘lmasligi  kerak. 
Zarrachalarning  kattaligi  me‘yorlangan  bo‘ladi.  Nam  tortgan,  chirigin,  begona  hidli 
zanjabilni ishlatish mumkin emas. 

---

24