Buxoro davlat universiteti raxmatullayeva f. M. Korporativ strtegiya va tashkiliy dizayn

2-rasm. Raqobatchilarning turlari

Amaliyot shuni ko'rsatadiki, muqobil raqobatchilar haqida doimo ma’lumotga ega bo’lish kerak va ba'zi hollarda ular bilan raqobatga kirishish zarur.

Biznesning bilvosita raqobatchilarni aniqlash uchun iste'molchi sizning mahsulotingizga (xizmatingizga) pul sarflash to'g'risida qaror qabul qilgan paytda paydo bo’ladigan barcha mumkin bo'lgan muqobillarni ko'rib chiqishga harakat qilish kerak. Aynan shu paytda bilvosita raqobat paydo bo'ladi (5-jadval).
5-jadval
Bilvosita raqobatchi va raqobat usullariga misol

Biznes	Bilvosita raqobatchi	Raqobat strategiyasi
Temir yo’l	Aviakompaniyalar- loukosterlar	Arzon havo qatnovining paydo bo'lishi (bugungi kunda ba'zi yo'nalishlarda ular yo'lovchiga kupeli vagonda sayohat qilishdan arzonroq) temir yo'llardan mijozlarni, birinchi navbatda, nisbatan qimmat poezd chiptalarini sotib olganlarni jalb qilmoqda. Bunga poezdlarda xizmat ko'rsatish darajasini oshirish, shuningdek, temir yo'l transportini eng ishonchli va xavfsiz deb reklama qilish orqali javob berish mumkin. Qisqa marshrutlarda yo'lovchilarni bir shahar markazidan boshqasiga yetkazib berishga e'tiborni qaratishingiz mumkin, chunki temir yo'l stantsiyalari, odatda, yirik shaharlar markazlariga yaqin bo’ladi – aeroportlar esa shahar tashqarisida bo’lib, ekonom-klass aviakompaniyalari eng chekkadagi aeroportlardan foydalanadi.

Potentsial raqobatchilar - bu yangi xuddi shunday taklif bilan bozorga kirishga hozirlik ko'rayotgan yoki o'z ta'sir doirasini kengaytirayotgan kompaniyalardir. Masalan, shaharda mavjud bo'lgan hunarmandchilik do'konlari o'zlarining assortimentlarini virtual maydonga o'tkazishni boshlasalar, malakali qo'llar uchun Internet-do'konlari bilan jiddiy raqobatlashishi mumkin. Potentsial raqobatchi har qanday vaqtda bilvosita raqobatchiga aylanishi va mavjud biznesga jiddiy tahdid solishi mumkin.