Buxgalteriya hisobi, auditorlik faoliyati, buxgalter va auditor kasblari haqida tushuncha

20-modda. Garovni hisobga olish
20-modda garovni hisobga olish tartibini belgilaydi (oldingi tahrirdagi 15-modda). Garov xo‘jalik yurituvchi sub’ekt tomonidan olingan kreditlar, qarz mablag‘lari va boshqa yuzaga keladigan majburiyatlarning qaytarilishini kafolatlash uchun xizmat qiladi.
Korxonaning o‘z majburiyatlari yoki boshqalarning majburiyatlarini ta’minlash uchun garovga berilgan mol-mulklar qiymati (o‘z mablag‘lari ham) boshqa aktivlardan alohida hisobga olinadi.
Mulkiy yoki pullik garovlarni berib yubormasdan belgilangan ta’minotlar, garovga olingan mol-mulk qiymati, garov sifatida qabul qilingan pul mablag‘lari va valyuta qiymatliklari alohida balansdan tashqari schyotlarda hisobga olinadi.
Garov bilan bog‘liq munosabatlar «O‘zbekiston Respublikasi Fuqarolik Kodeksi» va «Garov to‘g‘risida»gi Qonun bilan tartibga solinadi.
21-modda. Ichki nazorat
Qonunning yangi tahririda ichki nazoratning maqomi va mazmunini belgilaydigan, yangi 21-«Ichki nazorat» nomli modda kiritilgan. Unga muvofiq «Ichki nazorat buxgalteriya hisobini yuritishda, moliyaviy va boshqa hisobotlarni tuzishda xo‘jalik operatsiyalarini amalga oshirishning qonuniyligini, iqtisodiy jihatdan maqsadga muvofiqligini, aktivlarning but saqlanishini ta’minlash, talon-toroj qilish hollari va xatoliklarning oldini olish hamda aniqlash maqsadida buxgalteriya hisobi sub’ektining rahbari tomonidan qabul qilingan hisob siyosati asosida tashkil etilgan chora-tadbirlar tizimidir».
Demak, ichki nazorat tizimi – buxgalteriya hisobi va hisobotining to‘g‘riligini ta’minlashga qaratilgan hamda korxona resurslaridan maqsadga muvofiq foydalanishga imkon yaratadigan doimiy, kundalik ishlar majmuidir. Ichki nazorat tizimi tarkiban uchta qismga bo‘linadi:

1. 
   Nazorat muhiti – korxonada ichki nazorat uchun qulay bo‘lgan o‘zaro xizmat munosabatlarini aniqlaydigan belgilar yig‘indisi.
   
2. 
   Buxgalteriya hisobi tizimi – tegishli xo‘jalik operatsiyalarini yozishga taalluqli hisob siyosati va amallari.
   
3.