Bulardan tashqari, tovush o'zgarishlarining yana quyidagi ko’rinishlari mavjud

Mavhum otlar –lik, -ch, -inch qo‘shimchalari yordamida yasaladi.

Otlarning tuzilish jihatdan turlari
Ona tili (6-sinf)
Faqat bir asosdan tarkib topgan otlar sodda ot hisoblanadi. Masalan; uy, yer, tosh, tuz, daraxt.
Ikki va undan ortiq asosdan tarkib topgan otlar qo‘shma ot sanaladi. Masalan: qo‘lqop, oltingugurt, beshiktervatar.
Bir-biriga yaqin yoki qarama-qarshi ma’noli asoslardan tarkib topgan otlarga juft otlar deyiladi. Masalan, og‘il - qiz, idish - tovoq, ota - ona.
Ikkinchi qismi birinchi qismining tovush o‘zgarishi asosidagi takroridan tarkib topgan otlar takroriy otlar sanaladi. Masalan, tuz-puz, tovoq-povoq,uy-puy.
Quyidagi qo‘shma otlar qo‘shib yoziladi. Ikki va undan ortiq asosdan tarkib topgan turdosh otlar har doim qo‘shib yoziladi: qorbo‘ron, beshiktervatar, ko‘ksulton, kungaboqar, o‘rinbosar.
Ikkinchi qismi turdosh otdan iborat bo‘lgan atoqli otlar qo‘shib yoziladi: Beshariq, Qorqiz, Qashqadaryo. Ikkinchi qismi atoqli otdan iborat bo‘lgan qo‘shma otlar esa ajratib yoziladi: Markaziy Osiyo, Quyi Chirchiq.
Juft va takroriy otlar qismlari chiziqcha bilan ajratib yoziladi.
Ism (ot) larning lug‘aviy shakllari
Ot narsaning, sifat belgining, son miqdorning nomini bildirgani va olmosh uni almashtirgani uchun bu to‘rt turkum so‘zi ism atamasi bilan ham yuritiladi. Ot, sifat, son, olmosh – ismlar.
Ona tili (7-sinf)
Ismlarning ko‘plik, kichraytirish-erkalash, qiyoslash, belgining darajasi kabi ma’nolarini bildiruvchi qo‘shimchalarga ega bo‘lgan shakli lug‘aviy shakl sanaladi.
Son (ko‘plik) shakllari
Ona tili (6-sinf)
Otlarning –lar qo‘shimchasini olgan shakli ko‘plik shakli, -lar qo‘shimchasisiz qismi esa birlik shakli sanaladi.
Otlarning ko‘plik shakli ko‘plik ma’nosidan tashqari hurmat, umumlashtirish, kuchaytirish (ko‘zim, ko‘zlarim, labi-lablari) ma’nolarini ham ifodalashi mumkin.
Otlarning -cha, -choq, -chak kabi qo‘shimchalarni olgan shakli kichraytirish shakli; -gina (-kina, -qina) -jon, -xon, -oy kabi qo‘shimchalarni olgan shakli esa erkalash shakli hisoblanadi.