Бухоро давлат университети илм ва эзгулик бухоро – 2016

УМРБОҚИЙ ХОТИРАЛАР
Г.А. Гадоев,
Когон қурилиш монтаж таъмир корхонаси раҳбари
Инсон хотирасида муҳрланиб қоладиган воқеалар саноқли. Албатта, бу кишининг ўз оиласи, ота-онаси билан ўтказган хотираларига тегишли бўлмай, балки кўпроқ дўст-биродарларига тааллуқлидир. Шариф Баротов билан бўлган кўплаб воқеалар кечагидек кўз ўнгимда.
Биз мактабда ўқиб юрган кезларда синфдошларимиз, мактабдошларимиз ўртасида бадиий адабиётларга қизиқиш кучли эди, китобларни навбатма-навбат ўқиб алмашардик. Шу боис, ёшлар орасида ҳозиржавоб йигит-қизлар жуда кўп эди. Ҳатто айримлари билан шеърий савол-жавоб ўйинларини қилардик. Шарифжон ана шундай истеъдодли ўқувчилардан эди. Ундаги меҳнатсеварликка ҳавас қилардик. Бугун у барчамизни қувонтирди, мактабимиз собиқ ўқувчилари орасидан биринчи бўлиб фан доктори, профессор бўлди.
Ҳақиқатдан ҳам таърифга лойиқ дўстим, биродарим Шарифжонни сўз билан ифодалаш мен учун жуда қийин.
Мен юқорида сўзни хотирадан бошлаганимни сабаби бор. 1990 йил ноябрь ойи эди, Шариф Баротовнинг номзодлик диссертациясини ҳимоя қиладиган санаси маълум бўлди. Бу хушхабар яшиндек қишлоғимизга тарқалди. Оиласи қатори биз дўстлари ҳам бениҳоят қувондик. Бундай хурсандликни баҳам кўриш учун Бухородан содиқ дўстлари 6 киши бўлиб йўлга чиқдик. 1990 йил 13 ноябрь, Москва шаҳри. Психология институтининг ҳашаматли биноси. Шариф дўстимиз минбарга чиқиб, рус тилида худди она тилидек сўзлаб, фикрларини баён қилди. Ҳимоя муваффақиятли ўтгач, мен ва дўстларимга психология фанлари доктори профессор Артур Владимирович Петровский Шарифжон ҳақида жуда илиқ фикрларни айтиб ўтди. Бизларда бундай хотира умрбод муҳрланиб қолди. Биз дўстимиз Ш.Баротов билан фахрланамиз.

VII. МАТБУОТ САҲИФАЛАРИДА

Педагогика факультети декани, психология фанлари доктори, профессор Шариф Рамазонович Баротовнинг илмий, педагогик фаолияти тўғрисида Ўзбекистон Республикасида чоп этилган китоб, журнал, газета ва илмий тўпламларда эълон қилинган мақолалар

ОҚ ЙЎЛ, ШАРИФ^*