Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

17.6. Ит, кичик уй ҳайвонлари, қушлар ва асалариларни ташиш

Багаж вагонларида бир вагондан, иккинчисига кўчириб юкланмаган ҳолда ит, кичик уй ҳайвонлари, қушлар ва асалари қабул қилинади. Улар махсус контейнерлар, катакларда ва яшикларда бошқа вагондаги юкларни ифлос қилмайдиган ҳолда қабул қилинади.

Йўловчининг идиши (тараси) ўлчамлари билан ташилаётган ҳайвонлар ва майда уй жониворларига қулай бўлишини талаб қилинади. Бу масала бўйича низомларни станция бошлиғи ҳал қилади.
Ит, жониворларни боқиш, қушларга ва кичик хўжалик ҳайвонларига қарашга уларнинг эгаси жавобгардир.
Асалаларилар багаж вагонида ташиш учун йил фаслининг ҳавоси Қ10⁰С дан ортиқ бўлмаган вақтда қабул қилинади. Улар уяларида ёки фанердан ясалган пакетларда эгасининг шу поездда кетиши кераклиги шарти билан қабул қилинади.
Хўжалик кичик ҳайвонлари, қушларни ва асалариларни йўловчи ўзи етиб борган станциясида 12 соатдан кечикмай олиши керак, акс ҳолда унинг юклари сотиб юбориладиган дўконларга бериб юборилади. Юқоридаги жониворларни жўнатган йўловчи квитанцияси йўқотиб қўйса, у ўз юкларини тегишли равишда таниб, тилхат ёзиб олиши мумкин. Бунда яшаш жойи, фамилияси, исми, шарифи тўла ёзилган бўлиши шарт.
Багаж вагонларида ит, қушлар, майда ҳайвонларни ташиш учун йўловчи ветеринария бўлимларидан кўрсатилган (формада) турда рухсат олишлари керак.
Йўловчи йўл ҳужжатларини кўрсатиб келса унинг багажини темир йўл дарров қабул қилиб, энг яқин вақт ичида жўнаб кетадиган поездда (багажвагони бўлса) ёки почта-багаж поездида жўнатиши шарт.
Агарда тергов органлари ва божхона органлари томонидан ушлаб қолинса, ДС қўли қўйилган акт телеграмма шаклида багаж борадиган станцияга хабарнома юборилади.


17.7. Багаж ташиш учун ҳақ олиш ва багажни йўлда
йўловчига бериш

Багажни жўнатиш учун пуллар жўнатилаётган станцияда йўловчидан олинади. Унинг оғирлиги етиб борган станцияда жўнатилганга тўғри келмаса, охирги станцияда коммерческий акт (ҳужжат) тузилади, юк жўнатилган станцияга юборилиб йўловчи билан бошқатдан йўл ҳақи аниқланади.

Кичик платформали станциялардан қабул қилинган багаж, ёрлиқ ва ёпиштирилган тамғаларига қараб, йўловчи томонидан ёрлиқ кўрсатиб багаж талаб қилинган станцияда харажатлар тўланади. Багаж ташилгани учун пул тасдиқланган тариф бўйича, ҳақиқий босиб ўтган йўл миқдорига нисбатан олинади.
Йўловчининг талабига кўра багаж йўлда берилиши мумкин, агар поезд бригадири ёки багаж вагон ходими бу тўғрисида огоҳлантирилган бўлсалар.
Поезд тўхташ вақтида багажни бериш имконияти бўлса, багаж қабул қилувчи шахс йўловчидан багаж квитанциясини олиб, йўл ҳужжатлари билан юк туширилган станцияга топширади ва темир йўл бошқармасига юборилиб ҳисоб- китоб қилинади.
Багаж квитанциясига багаж вагони ходими «Багаж вагондан йўловчининг қўлига берилган», деб ёзиши керак. Багаж туширилган станция ходими ҳам шундай ёзув билан топшириш рўйхатига ёзиб қўяди. Ўтилмаган йўл пули бу ҳолда қайтарилмайди.
Темир йўл ва ва сув йўли билан жўнатилган багаж охирги станцияси темир йўлники бўлса, йўлда берилмайди.