Ota-onalar va bolalar o‘rtasidagi o‘zaro ijobiy munosabatlarning
tamoyillari
Ushbu bo‘limda kichik yoshdagi bolalarni rivojlantirishda o‘zaro munosabatlar ijobiy
bo‘lishiga qanday erishish izohlab berilgan. Birinchi beshta tamoyil ham go‘daklar
bilan o‘zaro munosabatda qo‘llanilishi mumkin: go‘daklarga nisbatan ijobiy
hissiyotlar va mehrni namoyon qilish, birga o‘ynash, tashabbuslarini qo‘llab-
quvvatlash, e’tiborlarini jamlash, atrofdagi olamni tushunish qobiliyatlarini
rivojlantirish ham muhim ahamiyatga ega.
1.
Bolaga nisbatan ijobiy hissiyotlar va mehrni namoyon qilish
Bolaga nisbatan ota-onalar va parvarishni ta’minlovchi shaxslar tomonidan ijobiy
munosabatlarni rivojlantirish uchun eng muhim harakat va ko‘nikmalar ta’riflab
berilgan ko‘pgina manbalar mavjud. Xususan, ilk farzand ko‘rgan ota-onalarda uni
parvarishlash va tarbiyalash bo‘yicha yetarli tajriba bo‘lmaydi, shu bois ular bunday
ma’lumotlarga muhtoj bo‘ladilar. Ko‘pincha, shunday vaziyat yuzaga
keladiki, har xil ma’lumotlar, ota-onalarga qo‘yiladigan talab va vazifalarning ko‘pligi
ularni chalg‘itib qo‘yadi, shunday holatlarda oilalarda bolani parvarishlash va
tarbiyalash bo‘yicha muammolar yuzaga kelib, ularni ota-onalarda bolaga nisbatan
ijobiy munosabatni rivojlantirish yo‘li bilan hal qilish mumkin bo‘ladi.
Mazkur holatda bolaga ijobiy hissiyotlar va mehrni namoyon qilish orqali ijobiy
munosabatlarni shakllantirish mumkin. Bolalar o‘zlarini xavfsiz his etishlari uchun
ularga mehr ko‘rsatish, ya’ni quchoqlash, silash, quvonch va ishtiyoq bilan
g‘amxo‘rlik hamda e’tiborni ko‘rsatish lozim. Hatto hali juda kichkina go‘daklar ham
kattalar ular bilan so‘zlashganda ovozning ohangidan, ota-ona va parvarishni
ta’minlovchi shaxsning xatti-harakatlari va chehrasining ifodasidan mehr hamda
1.
yoqtirmaslik, quvonch va g‘amginlikni payqab, tushunib oladilar.
Mehrni namoyon qilishning ko‘pgina usullari mavjud va bolaning yoshiga qarab ular
o‘zgarishi mumkin:
• birgalikda jilmayish va kulish;
• silash, quchoqlash, erkalatish, uqalash va bola bilan ijobiy jismoniy aloqa qilishning
boshqa shakllari;
• birgalikda quvnoq hazil qilish va hazil o‘yinlar o‘ynash;
• iliq va mehrli ohangda so‘zlashish;
• vaziyat joiz bo‘lganda bolaga «Seni yaxshi ko‘raman» deb aytish.
Yuqorida aytib o‘tilgan usullarda mehr va samimiylik namoyon qilinganda ota-onalar
va parvarishni ta’minlovchi shaxslar, go‘daklar hamda bolalarda yaqinlik hissini va
ular ota-onalarining himoyasida ekanligi,shuningdek, o‘ziga bo‘lgan ishonch hissini
rivojlantiradi, bu esa bola rivojlanishi uchun juda muhim, chunki ularning
rivojlanishidagi nuqsonlar va salomatligini izdan chiqishi, ko‘pincha, bolaning
1.
hissiy holatiga bog‘liq bo‘ladi.
Hatto bola tug‘ilganidan keyin ko‘p vaqt o‘tmay ko‘z aloqasi, jilmayish va ishora
qilish, quvonchni ifodalash orqali go‘dak bilan «muloqot» yuritish mumkin. Ota-ona
yoki parvarishni ta’minlovchi
1.
shaxs bolaning xatti-harakatlariga ijobiy fikr bildirganda bola quvnoq shovqin
bilan «javob» beradi.
Odatda, kattalar bolaning yuz ifodasi va chiqaradigan shovqiniga taqlid qilib, u bilan
muloqot qilishni boshlaydi. Ma’lum vaqt o‘tib, bola rag‘batlantirilsa, u eshitgan ovozni
qaytarish yoki yuz ifodasini o‘xshatish orqali javob berishga harakat qiladi va shu
asnoda ilk «muloqot» boshlanadi. Ushbu «muloqot» bolalarning ota-onalari bilan
kelgusidagi munosabatlari va bola nutqini rivojlanishi uchun muhim ahamiyatga ega.
Barcha bolalar ularni otasi ham, onasi ham erkalashlariga, quchoqlashlariga, mehr
ko‘rsatishlariga muhtoj bo‘ladilar. Taktil aloqa (silash, quchoqlash va boshqalar) ham
o‘g‘il, ham qiz bolalar uchun muhimdir, ota va ona esa teng darajada mehr va
samimiylik namoyon qilishlari
lozim.
1.
Do'stlaringiz bilan baham: |