Bolani tarbiyalash san’ati

---

 BOLANI TARBIYALASH SAN’ATI 
Bolalik davri inson rivojlanishining eng mas’uliyatli va muhim rivojlanish pallasi 
hisoblanadi, chunki bolalar maqbul o‘sishlari va rivojlanishlari uchun mehrli, xavfsiz 
va rag‘batlantiruvchi muhitga muhtoj bo‘ladilar. Buning uchun ularning jismoniy, 
histuyg‘uli, ruhiy-ijtimoiy va rivojlanish uchun ahamiyatli bo‘lgan boshqa ehtiyojlari 
qondirilishi lozim. Patronaj hamshiralari ushbu kompleks ehtiyojlar to‘g‘risida 
ma’lumot berish va bu bilan ota-onalarning xabardorligini oshirish imkoniga ega 
bo‘ladilar. 
• Uyda ota-onalar, parvarishni ta’minlovchi shaxslar va boshqa oila a’zolari bilan 
ijobiy munosabatlardan hosil bo‘ladigan rag‘batlantiruvchi muhit bola miyasining 
arxitekturasini shakllantiradi va uni barcha sohalarda (jismoniy, ijtimoiy, his-tuyg‘uli, 
nutq va kognitiv) rivojlanishiga ta’sir ko‘rsatadi. Xonadonlarga tashrif buyurilganda 
ota-onalar yoki parvarishni ta’minlovchi shaxslar va kichik yoshdagi bola o‘rtasidagi 
munosabatlarni mustahkamlash hamda bolalar o‘z ko‘nikmalarini rivojlantirishi uchun 
muhtoj bo‘lgan rag‘batlantiruvchi va xavfsiz muhitni yaratishga yordam berish lozim. 
Bolalar atrof-muhitni o‘rganib, kerakli ko‘nikmalar va bilimlarni egallaydilar. 
• Oilaning ijtimoiy-iqtisodiy holati bolalar rivojlanishi natijalariga doim ham ta’sir 
ko‘rsatmasligi mumkin. Oilalar o‘z farzandlarining o‘sib rivojlanishini qo‘llab-
quvvatlashi, ularning rivojlanish natijalariga birmuncha jiddiyroq ta’sir ko‘rsatishi 
mumkin. 
• Bu esa xonadonlarga tashrif buyurilganda oilalarga, ayniqsa, ularning eng 
muhtojlariga yordam ko‘rsatish jarayonida, hatto ijtimoiy jihatdan noma’qul 
vaziyatlarda yashaydigan, o‘z bolalari hayotining ilk kunlaridan yaxshi sharoitlarni 
ta’minlab berishlari uchun kerak bo‘lgan ma’lumotlarni taqdim etishga barcha 
imkoniyatlari mavjudligini tushuntirib berish zarur. 
• Oilalarga o‘z bolalarini ilk yoshidanoq rivojlantirish uchun amalga oshirishlari 
mumkin bo‘lgan quyidagi to‘rtta muhim jihatlar to‘g‘risida so‘zlab berish kerak, 
ularga quyidagilar kiradi: bolalarga mehr ko‘rsatish, ular bilan so‘zlashish, kitob o‘qib 
berish va ular bilan o‘ynash. Shuningdek, bolalar rivojlanishi uchun mehr ko‘rsatish, 
sog‘lom ovqatlanish kabi muhim jihat 

---

hisoblanishini tushuntirish muhimdir. 
Xonadonlarga tashrif buyurilganda oilalarga o‘z farzandlari bilan qanday so‘zlashish, 
o‘ynash, kitob o‘qish kerakligi yuzasidan bilim va ko‘nikmalarni berish mumkin. Ota-
onalarga mehr va g‘amxo‘rlik, e’tibor va tushunish, ota-onalar va bolalar o‘rtasida 
mustahkam munosabatlarni yaratish, erta bilim olish va maktabga tayyorlashga 
yordam berishi haqidagi bilimlarni yetkazish lozim. 
Bolalar o‘yinlar orqali qanday ko‘nikmalarga o‘rganishlari, nima uchun kitob o‘qish 
muhim hisoblanishi va bolalar bilan so‘zlashish ularning kommunikativ 
ko‘nikmalarini qanday rivojlantirishiga ta’sir ko‘rsatishi to‘g‘risida tushunchalar 
berish lozim. 
• Xonadonlarga tashrif buyurilganda ota-onalarning bilim hamda imkoniyatlarini 
kengaytirishga, ular o‘z farzandlari uchun eng yaxshi ota-ona bo‘lishlariga yordam 
berish uchun bolalarni tarbiyalash masalasida ularning o‘zlariga bo‘lgan ishonchini 
mustahkamlashga ko‘maklashish.