Bolalar rivojlanishidagi nuksonlarning klinik asoslari

Mastoidit, suyak ustki pardasi ostidagi abssess. Tashqi eshituv yo‘lining suyak bo‘limidagi orqa-yuqori devorining osilib qolishi mastoiditning patogenetik belgisi hisoblanadi. Tashxisni tasdiqlash uchun quloqni rentgenografiya qilib ko‘riladi, bunda so‘rg‘ichsimon o‘simta katakchalarining qoraygani, ayrim suyak devorlarining yemirilgani ko‘rinadi.
Davosi: jarrohlik yo‘li bilan mastoidotomiya qilinadi. So‘rg‘ichsimon o‘siqning tashqi yuzasidagi tekis uchburchak shaklidagi bo‘lakchadan maxsus asbob yor-damida katta g‘or ochiladi, chirigan va patologik o‘zgargan to‘qimalar va suyaklar qirib olib tashlanadi. Turli antibiotiklar va sulfa-nilamid preparatlar beriladi.
Surunkali yiringli otitlar. Klinik jihatdan surunkali o‘rta otitning 2 asosiy turi: mezotimpanit va epitimpanit uchraydi.Surun-kali yiringli otit – bu o‘rta quloqning o‘tkir yiringli jarayonining davomidir. Kasallik yillab cho‘-zilishi mumkin.
Mezotimpanit – o‘rta quloqning surunkali yiringli yallig‘lanish kasalligi bo‘lib, bunda nog‘ora pardaning o‘rta va pastki bo‘limining shilliq pardasi zararlanadiBemor qulog‘idan vaqti-vaqti bilan yiring oqayotganidan, eshituv qobiliyati pasayganidan, qulog‘i shang‘illashidan shikoyat qiladi.Tekshirib ko‘rilganda nog‘ora parda turli kattalikda teshilgan bo‘lsa da, lekin su-yaklarga borib taqalmagan bo‘ladi. Perforatsiya orqali ko‘rilganda shilliq parda qizarib, qalinlashgan va u yiring ajralmasi qatlami bilan qoplangan bo‘ladi. Ajralma juda ko‘p miqdorda, quyuq yopishqoq va cho‘ziluvchan, hidsiz bo‘ladi.Bu kasallik yillab cho‘zilishi mumkin. Gohida quloqdan yiring oqishi o‘z-o‘zidan to‘xtaydi, kasallik qaytalanganda yana paydo bo‘ladi.
Davosi: o‘rta va tashqi quloqda yiring turib qolishining oldini olishdan va dezin-feksiyalovchi hamda burishtiruvchi moddalar bilan nog‘ora bo‘shlig‘ini har kuni yuvib turishdan iborat. Antibiotikli eritmalar bilan yuvishdan avval, mikroflorani antibiotiklarga sezgirligini aniqlash lozim. Jarrohlik yo‘li bilan granulatsiyalar, poliрlar olib tashlanadi.
Epitimpanit – o‘rta quloqning shilliq pardasi bilan birga suyak devorlarining ham zararlanishi. Bemor odatda yomon eshitishdan, qulog‘idan badbo‘y hid kelayotganidan, ba’zan qon aralash yiring ajralishidan, qulog‘ini artganda boshi aylanishidan, boshining chakka sohasidagi og‘riqdan shikoyat qiladi. Eshitish qobiliyati susayadi. Otoskopiyada yiring yashilsimon sariq rangda, badbo‘y hidli, quyuq bo‘ladi. Perforativ teshik nog‘ora pardoning taranglashmagan qismida bo‘lib, uning chekkasi suyak aylanasi qirg‘og‘igacha yetadi
Davosi: jarrohlik yo‘li bilan yiringli o‘choq sanatsiya qilinadi. Mezotimpanitda qo‘llanilgan konservativ davo choratadbirlari ham yaxshi natija beradi.