Bolalar rivojlanishidagi nuksonlarning klinik asoslari

Birinchi bosqichda o‘rta quloq yallig‘lanib, ekssudat va infiltrat paydo bo‘lishi bilan xarakterlanadi. Bemor qulog‘idagi qattiq og‘riqdan, ishtahasi yo‘qligidan, uyqusi buzilganidan shikoyat qiladi. Quloq tekshirib ko‘rilganda nog‘ora parda qizarib, ekssudat tufayli bo‘rtib chiqqan bo‘-ladi. Tana harorati 38–39°C gacha ko‘tarilishi mumkin.
Ikkinchi bosqich – nog‘ora pardaning teshilishi va yiring oqishidan boshlanadi. Bu bosqichni perforativ bosqich deyiladi. Bunda quloqdan 5–7 kun yiring oqadi. Og‘riq biroz kamayib bemor-ning ahvoli yaxshilanadi, tana harorati me’yorga tushadi, lekin eshitish pasayadi.
Uchinchi bosqich – sog‘ayish bosqichi deyiladi, bunda yallig‘lanish jarayoni to‘xtaydi. Bemorga o‘z vaqtida tegishli yordam ko‘rsatilsa perforativ teshik ber-kiladi, quloqning eshitish funksiyasi tiklanadi.
Davolash: bemorning ahvoli og‘ir bo‘lsa uni statsionarga yotqizish kerak bo‘ladi. Unga kuchli antibiotiklar yuborib, qulog‘iga spirtga shimdirilgan paxta yoki doka qo‘yiladi. Bunda kamfora yog‘i bilan kompress qilish yaxshi natija beradi.Ba’zida o‘tkir yiringli otitni birinchi bosqichi cho‘zilib ketib, bemorning ahvoli og‘irlashsa zudlik bilan maxsus asbob yordamida quloq pardani sun’iy yo‘l bilan teshish zarur (parasentez).