Biz taxlil qilayotgan 6-sinif darslik geografiya kitobi va alasi

59-Mavzu: Antropogen tabiat komplekslari
Yevrosiyo hududi qadimdan aholi yashab kelgan sivilizatsiya markazlaridan hisoblanadi. O‘rta dengiz sohillaridagi qadimiy subtropik o‘rmonlar inson xo‘jalik faoliyati tufayli kesib yuborildi. Sharqiy Yevropa tekisligidagi qora va kashtan tuproqli dashtlarning 80 % maydoni o‘zlashtirilgan. Tabiatni muhofaza qilish maqsadida Yevrosiyo tabiat zonalarida va tog‘li o‘lkalarda qo‘riqxonalar, milliy bog‘lar, buyurtmalar barpo etilgan. Qo‘riqxonalar jamoalarining asosiy maqsadi tabiatning betakror joylarini, ajoyib relyef shakllarini, serjilo ma’danlarini, turli-tuman o‘simlik va hayvonot olamini va boshqa tabiat yodgorliklarini tabiiy holda saqlab qolishdir. Bu mavzu bo’yicha Atlasda alohia karta keltirilib o’tilmagan.Lekin umumiy Qo’riqxonalar, Tabiat zonalari kartasi keltirilib o’tilgan. Atlasdagi va Kitobdagi ma’lumotlar bir xil keltirilib o’tilmagan.
60-Mavzu: Yevrosiyo hududining tabiiy geografik o‘lkalarga bo‘linishi
Yevrosiyo materigining kattaligi va geografik o‘rni materik tabiatining xilma-xilligiga sabab bo‘lgan. Odatda, materik tabiatining xilma-xilligi uning hududiy bo‘linishiga asos bo‘ladi. Tabiiy geografik rayonlashtirish deganda, materiklarni birbiridan tabiiy sharoiti bilan farq qiladigan muayyan qismlarga ajratish jarayoni tushuniladi. Yevrosiyo materigi tabiatini hududiy farqlariga ko‘ra rayonlashtirganda ham kenglik zonalligi, ham balandlik mintaqalanishiga va uzoqlik bo‘yicha ta’sir etadigan omillarga e’tibor beriladi. Yevrosiyo materigida bir-birlaridan hududiy farq qiladigan ko‘plab yirik va kichik o‘lkalar ajratilgan. Yevrosiyo hududi Shimoliy Yevropa, O‘rta Yevropa, Janubiy Yevropa, Sharqiy Yevropa, G‘arbiy Sibir, Sharqiy Sibir, Uzoq Sharq, Janubig‘arbiy Osiyo, Old Osiyo, O‘rta Osiyo, Markaziy Osiyo, Sharqiy Osiyo, Janubiy Osiyo, Janubi-sharqiy Osiyo kabi 14 ta yirik tabiiy geografik o‘lkalarga bo‘lingan. Atlasda bu mavzu bo’yicha karta berilmagan,lekin bu mavzu bo’yicha karta berilgani maqsadga muvofiq bo’lar edi . Tabiiy geografik rayonlashtirish hududlari bir karta sifatida chegaralari bilan tasvirlansa yaxshiroq bo’lar edi.