Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

Савол: Закот олишга лойиқ бўлган ака-укалари туриб,
ўзгаларга закот берса бўладими?
Жавоб: Закот биринчи навбатда закот олишга лойиқ
бўлган ўз яқинларига берилади. Яқинлари қанча яқин
бўлса, закот олишга шунчалик ҳақли бўлади. Булар
турганда, ўзгаларга закот бериш афзал эмас. Закот, фитр
ва назрга ҳақлилар қуйидаги тартибда бўлади:
1. Ака-ука, опа-сингил; кейин уларнинг фарзандлари;
2. Амаки ва аммалар; кейин уларнинг фарзандлари

---

t.me/Savollar_kanal
3. Тоға ва холалар; кейин уларнинг фарзандлари
4. Юқоридагилардан ташқари қариндошлар;
5. Қўшнилар;
6. Касбдошлар;
7. Ҳамшаҳарлар ёки қишлоқдошлар.
Савол: Пулдор аёл закотидан эрининг қарзини тўласа
бўладими?
Жавоб: Йўқ. Одатда манфаатлар муштарак бўлгани
боис, Абу Ҳанифа раҳматуллоҳи алайҳнинг наздларида эр
аёлига, аёл эрига закот бермайди.
Савол: Фарзандларининг бойлиги нисобга етган
камбағал аёлга закот бериш мумкинми?
Жавоб: Бундай аёлнинг нафақаси фарзандлар
зиммасига
вожиб
бўлади.
Агар
фарзандлар
зиммаларидаги вожиб амални, яъни оналарининг
нафақасини адо қилмасалар, бундай аёлга закот бериш
жоиз бўлади. Кишининг зиммасига фақир ота-она, бобо-
момоларнинг нафақаси вожиб бўлади. Гарчи уларнинг
дини бошқа бўлса ҳам. Фиқҳ китобларимизда
айтилганидек, «Фақир ҳам закот олувчилардандир,
фақир – нисобга етмаган бироз нарсаси бор кишидир».
Савол: Бой кишининг аёлига закот берса бўладими?
Жавоб: Бўлади, чунки аёл эрининг бойлиги билан бой
бўлиб қолмайди. Балоғатга етмаган бола, балоғатга
етгандан фарқли равишда отасининг бойлиги билан бой
саналади. Балоғатга етганидан сўнг отасининг бойлиги
билан бой саналмайди. Шунингдек, ота ҳам фарзандининг,
аёл эрининг, балоғатга етмаган бола онасининг бойлиги
билан бой саналмайди.

---

t.me/Savollar_kanal