Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

Савол: Мадрасага закот бериш мумкинми?
Жавоб: Мадрасадаги закот олишга лойиқ талабалар
номидан вакил бўлиб, бир киши закотни қабул қилиб олса,
сўнгра уларга тарқатиб берса, закот берувчидан закот адо
бўлади.
Савол: Етимхоналарга закот бериш мумкинми?
Жавоб: Етимхонадаги фақир болаларга закотни мулк
қилиб берса, закот адо бўлади. Агар закотни бир шахсга
мулк қилиб бермасдан, уни етимхонанинг ташкилий
ишларига сарфласа, жоиз эмас. Масжид қурилиши ва
унинг коммунал тўловларига сарфланганда закот адо
бўлмагани каби, закотга ҳақдор кишиларга берилмаса,
закот адо бўлмайди.
Савол: Закотни ўликни кафанлашга сарфлаш
мумкинми?
Жавоб: Вафот этган киши кафанни мулк қила олмайди.
Шунинг учун закотидан кафанлик олиб, кафанлаш билан
закот адо бўлмайди. Лекин вафот этган кишининг фақир
яқинларига ёки бегона бир фақир кишига закотини мулк
қилиб берса, у эса уни кафанликка ишлатса, закоти адо

---

t.me/Savollar_kanal
бўлади.
Савол: Закотига дон-дун сотиб олиб, ҳайвонларга
едириш билан закот адо бўладими?
Жавоб: Закот адо бўлмайди, чунки бу ерда закот
муҳтож мусулмонга мулк қилиб берилмаяпти.
Масалан, закот адо бўлиши учун (мусулмонларни)
таомлантириш кифоя қилмайди. Лекин таомни мулк
қилиб берса, закоти адо бўлади. Закот берувчи ўзининг
ҳузурида закот нияти билан одамларга таом берса, закот
адо бўлишига кифоя қилмайди.
Савол: Закот пулидан бир қишлоққа сув ёки табиий
газ олиб келиб бериш мумкинми?
Жавоб: Закотни масжид, кўприк, сув омбори қуришга,
йўлларни тузатишга, канал қазишга, закот эгасининг ҳаж
қилишига, турли сафарбарликларга сарфлаш мумкин эмас.
Закот уни олишга лойиқ кишиларга мулк қилиб
берилмайдиган барча ҳолатлар жоиз эмас.