Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

Савол: Нисоб соҳиби вафот этиб, бойлиги ҳали
балоғатга етмаган болаларига мерос бўлиб қолса,
уларнинг зиммасига закот вожиб бўладими?
Жавоб: Балоғатга етмаган болаларнинг молидан закот
берилмайди, чунки закот берувчининг оқил ва балоғатга
етган бўлиши закот беришнинг шартларидандир. Шунинг
учун балоғатга етмаган боланинг закот бериши вожиб
бўлмайди.
Савол: Ўзини мискин қилиб кўрсатган кишига
закотини берган киши савобга эга бўладими?
Жавоб: Закот олишга лойиқ бўлмаса керак, деб гумон
қилган кишисига ёки закот олишга лойиқмикин ёки лойиқ
эмасмикин, деб шак қилиб, закот олишга лойиқ деб қасд
қилмасдан закотини берса, олган киши закот олишга
ҳақли бўлса, закоти адо бўлади. Аксинча бўлса, йўқ.
Савол: Закотни тиланчига берса бўладими?
Жавоб: Аввало, бир кунлик егулиги бор кишига
тиланчилик қилиш ҳам, бундай кишига садақа, закот
бериш ҳам ҳаромдир. Кўча-кўйда ёки хонадонларга
тиланиб келган кишиларга берадиган нарсасини ҳадя деб
ният қилса, ҳаром амалдан қутулиб қолади. Дарҳақиқат,
уйида бир кунлик емаги бўла туриб ёки егулигини
топишга қодир бўла туриб тиланиш ҳалол бўлмайди.
Тиланган кишининг ҳолатини билиб туриб, унга садақа
қилувчи киши ҳам гуноҳкор бўлади, чунки унинг ҳаром
ишига ёрдам берган бўлади.
Савол: Бошқа дин вакилларига закот берса бўладими?
Жавоб: Жоиз эмас. Зиммийларга (бошқа диндаги
ватандошларга) закот бериш билиттифоқ жоиз эмас.

---

t.me/Savollar_kanal
Лекин уларга нафл садақаларни бериш билиттифоқ
жоиздир.
Савол:
Даволанувчи
фақирнинг
муолажа
харажатларини тўлаш билан закот адо бўладими?
Жавоб: Закот адо бўлиши учун у фақирга мулк қилиб
берилиши шартдир. Шунинг учун закотни аввало унга
мулк қилиб берилади, сўнгра у харажатларини ўзи
тўлайди. Закотни фақирга сарфласа-да, фақир уни қўлига
олмагунича закот адо бўлмайди.