Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

Савол: Бир киши закотини тижоратга қўйиб, тушган
пулидан ғариб-бечораларга сарфлаб турса бўладими?
Жавоб: Закот ўз эгаларига мулк қилиб бериш билан
адо бўлади. Мулк қилиб бергандан кейин улар закот
маблағини нима қилсалар, ўзлари биладилар.
Савол: Закотни масжидга сарфласа бўладими?
Жавоб: Закотнинг рукни закот олишга лойиқ кишига
мулк қилиб беришдир. Масжид ва шу каби жойларга
закотни
сарфлашда
мулк
қилиб
бериш
шарти
бажарилмайди.
Савол: Қанча маблағга эга бўлган кишининг закот
олиши ҳалол бўлмайди?

---

t.me/Savollar_kanal
Жавоб: Олтин, кумуш, тижорат моллари ҳамда уй-
рўзғор анжомларидан кундалик рўзғор ишларида ва
меҳмон кутиб олишда ишлатиладиганларидан ташқари,
буюмларнинг қиймати 85 грамм тилла ёки 595 грамм
кумушга тўғри келса, бундай кишиларга закот олиш
ҳалол бўлмайди. Масалан, уч сидра кийимдан ортиқ
либослар, телевизорлар инсоннинг аслий ҳожатларига
кирмайди. Шунинг учун закот олишда бу турдаги
нарсалар ҳам ҳисобланади. Лекин закот беришда
ҳисобланмайди.
Савол: Ҳамқишлоқлари орасида фақир, мискинлар
бўла туриб, закотини бошқа қишлоқдаги кишига берса
бўладими?
Жавоб: Бошқа қишлоқдаги кишига закот бериш
танзиҳий макруҳдир. Лекин бошқа қишлоқдаги киши
қариндоши ёки ҳамқишлоқларидан кўра муҳтожроқ ёки
дин илмини ўрганувчи, ёки уларга беришда мусулмонлар
оммасига кўпроқ манфаат бўлса, макруҳ бўлмайди.
Закотни бир жойдан иккинчи жойга юбориш макруҳдир.
Демак, қариндош-уруғларга ёки муҳтожроқ, солиҳроқ ёки
тақводорроқ
кишиларга,
мусулмонлар
оммасига
манфаатлироқ кишиларга берилса ёки бу закот
ғайридинлар юртидан мусулмонлар юртига юборилса,
ёки илм толибига юборилса мустаснодир. Қариндош-
уруғлари муҳтож бўла туриб, кишининг бегоналарга
қилган садақаси ўз қариндошларининг ҳожатларини
ёпмагунича қабул бўлмайди. Фиқҳ китобларимизда:
«Закотнинг фақир олим ёки зоҳидга берилгани афзалроқ»,
дейилган.

---

t.me/Savollar_kanal