Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

ЗАКОТ АЖРАТИШДА ЙИЛНИНГ ҲИСОБИ
Савол: Мол нисобга етгандан кейин, унга бир йил
тўлиши керак. Бунда милодий йил эътиборга олинадими
ёки ҳижрий?
Жавоб: Ҳижрий йил эътиборга олинади (ҳижрий йил
милодий йилдан ўн бир–ўн икки кун қисқароқ бўлади).
Закотга бир йил тўлиши учун ҳам шамсий эмас, қамарий
йил ҳисобга олинади.
Савол: Тижорат молларидан закот чиқарилаётганда
қайси нархга эътибор қилинади? Сотиб олингандагими
ёки сотиладиган нархгами ёки ўша кундаги нархгами?
Жавоб: Ўша кундаги қиймати қанча бўлса, шу нарса
эътиборга олинади. Қанчага сотиб олгани ёки келгусида

---

t.me/Savollar_kanal
қанчага сотилишига эътибор қилинмайди.
Савол: Ҳар бир молга ҳам бир йил тўлиши шартми?
Жавоб: Ким бир марта нисобга эга бўлиб, ўша нисобга
етган молга бир йил тўлган бўлса, зиммасига закот вожиб
бўлади. Ушбу нисобга етиб, закот вожиб бўлган молга
кейинчалик қайси йўл билан қачон ва қанча мол қўшилса,
унга бир йил айланиш шарт эмас. Закот бериш вақтида
уларнинг барчасидан закот беради. Фиқҳ китобларимизда
шундай дейилган: «Кимда нисоб бўлиб, йил давомида шу
молнинг жинсидан фойда кўрса, молига қўшиб унинг ҳам
закотини беради. Фойда закоти берилган молдан бўлсин
ёки бошқасидан бўлсин, барибир. Фойда қайси йўл билан
кўрилишидан қатъи назар, ҳиба йўли билан ёки бошқа
йўллар билан бўлса ҳам, унга қўшади. Агар фойда
кўрилган нарса ҳар томондан нисоб молининг жинсидан
бўлмаса, (масалан, қўй билан туя каби) бир-бирига
қўшилмайди».
Савол: Закот бериш учун тайин қилинган нисоб йил
бўйи камаймай, бир хилда туриши шартми?
Жавоб: Қайси бир кунда мол нисобга етса, кейинги
йил ўша кунгача молнинг камаймай туриши шарт эмас.
Балки бир йилнинг бошланиши билан тугалланиши
эътиборга олиниб, йил давомида молнинг нисобдан
камайиши эътиборга олинмайди.