Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

Савол: Ота билан ўғил савдода шерик бўлса ва
улардан бирлари закот бериб, иккинчиси бермаса, нима
бўлади?
Жавоб: Ота-боланинг ҳар бирининг тижоратдаги
моллари
алоҳида-алоҳида
ажратилгандаги
ҳиссаси
нисобга етадиган бўлса, ҳар иккаласининг зиммасига
закот вожиб бўлади. Фуқаҳоларимиз: «Шерикчиликда

---

t.me/Savollar_kanal
шерикларнинг ҳар бирининг ҳаққида ёлғизликдаги ҳолат
эътиборга олинади. Бу ҳолат тўлиқ нисобга эга бўлишдир.
Икковларидан ҳар бирининг насибаси нисобга етса, закот
вожиб бўлади. Нисобга етмаса, закот вожиб бўлмайди»,
дейишган.
Савол: Тижорат молларининг айнан ўзидан закот
берса бўладими?
Жавоб: Тижорат молларининг айнан ўзидан закот
чиқариш мумкин. Лекин ўтмай қолган, сифатсиз
молларни закотга бериш яхши эмас. Қуръони Каримда
бундай дейилган:
MingLi nn LЀ ÈnǟLа ൂꭰL懸 nൂ MinnLii LൂL LÈMngni n MinnLii 飰L niൂg Mig LiL Lg
«Ўзингиз суйган нарсадан нафақа қилмагунингизча,
ҳаргиз яхшиликка эриша олмассиз. Нимаики нафақа
қилсангиз, албатта, Аллоҳ уни билувчидир»
(Оли
Имрон сураси, 92-оят).
Масалан, кийим-кечак савдоси билан шуғулланувчилар
қўлларидаги кийимларни закот сифатида беришлари
мумкин.
Савол: Бир киши закотини ажратиб, бирор фақир
номидан уни тижоратга қўйиши жоизми?
Жавоб: Закот адо бўлиши учун закотга ҳақли кишига
закотни мулк қилиб бериш шартдир. Закот олувчи
закотни қўлга олганидан кейин унинг рухсати билан закот
молини тижоратга қўйиш мумкин. Чунки закот деб
молнинг (бир йил тўлган нисобнинг) шориъ тайин қилган

---

t.me/Savollar_kanal
жузъини (икки ярим фоизини) мулк қилиб беришга
айтилади.
Савол: Дори-дармон воситалари билан савдо
қилувчилар дорилардан закот чиқаришадими ва
дориларнинг ўзини закот сифатида бериш мумкинми?
Жавоб: Бу иш билан шуғулланувчи савдогарнинг
маблағи нисобга етса, закот чиқаради. Бундай одам закот
сифатида дори-дармон бериши мумкин. Лекин муддати
ўтиб кетган ёки бозори ўтмай қолган дориларни эмас.