Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

МАВЗУГА ОИД САВОЛ-ЖАВОБЛАР
Савол: Зимор моли деб нимага айтилади?
Жавоб: Зимор – қўлида бўлмагани учун эгаси
фойдалана олмайдиган молдир. Қарз бундан мустасно.
Зиморга қуйидагилар киради:
– бир кишининг молини бошқа биров зўравонлик
билан тортиб олган ва тортиб олганига гувоҳ ҳам йўқ;
– Зулм билан олиниб, кейинчалик қайтариб берилган
мол;
– Йўқолиб, кейинчалик топилган мол;
– Дарё ва денгизларга тушиб кетиб, кейинчалик
чиқариб олинган мол;
– бир жойга кўмилиб, қаерга кўмилгани эсдан чиқариб
қўйилган мол. Уламолар кишининг ҳовлисига кўмилган
мол билан ҳовлисидан ташқарига кўмилган молнинг
ҳукмини ажратишган: биринчисида закот вожиб,
иккинчисида вожиб эмас, дейишган.
Савол: Баъзи ўғил болалар ўн бир, ўн икки ёшга

---

t.me/Savollar_kanal
кирсалар ҳам, ҳали тушда булғаниш, қизларда эса ҳайз
кўриш каби балоғат аломатлари бошланмайди. Бундай
болалар нисобга қодир бўлсалар, уларга закот вожиб
бўладими?
Жавоб: Закот балоғатга етганларга вожиб бўлиб,
балоғатга етишнинг аломати машҳур ва маълум. Масалан,
ўғил болаларда тушда булғаниш, қизларда эса ҳайз
кўришдир. Агар ўғил бола ёки қиз бола ўн беш ёшга
етсаю, балоғатга етганининг аломати бўлмаса, ўн беш
ёшга тўлиши билан балоғатга етди, деб ҳукм қилинади ва
уларга закот вожиб бўлади.
Савол: Етим боланинг молидан закот вожиб бўладими?
Жавоб: Балоғатга етмаган етим бола нисобга эга бўлса
ҳам, унинг молидан закот вожиб бўлмайди. Лекин фитр
садақаси вожиб бўлади. Бундан ташқари, унинг молидан
садақа қилиш жоиз эмас.
Савол: Оилавий жамғармаси ўртада бўлган ака-укалар
қай тарзда закот берадилар?
Жавоб: Агар ўртада тўпланган маблағ ака-укаларга
тақсим қилинса, ҳар бирига нисоб миқдорича маблағ
тегса, уларнинг ҳар бирига закот вожиб бўлади. Мавжуд
маблағнинг икки ярим фоизини закот қилиб берадилар.
Савол: Одамлар йигирма, ўттиз йиллаб ташкилотларда
ишласалар, ҳукумат тарафидан (пенсияга деб) маълум
миқдор ушлаб қолинади. Пенсияга чиққач, унга бўлиб-
бўлиб бериб турилади. Ўша фонддаги маблағдан закот
бериш вожиб бўладими ёки йўқми?
Жавоб: Пенсия қўлга тегмагунча ундан закот вожиб
бўлмайди ва қўлга текканидан кейин ҳам ўтган кунларга

---

t.me/Savollar_kanal
закот ажратиш вожиб эмас.
Савол: Мен жўжа сотиб оламан. Улар 22 ҳафтада
тухумга киришади ва 86 ҳафта тухум қилишади. Кейин
уларни сотиб юбораман. Ўша жўжалар закот молига
қўшиладими?
Жавоб: Агар ўзи нисобга етса ёки бошқа молига
қўшилиб нисобга етса, бу суратда олинадиган тухумнинг
қийматидан закот берилади. Жўжалардан эса закот
берилмайди. Гарчи тухумдан қолганидан кейин сотиб
юбораман, деган ниятда сотиб олса ҳам.