Biologiyadan sinfdan tashqari ishlar. Ekskursiyalar

8. Obyektlarni to‘g‘ri ko‘rsata bilishni o‘rganish, o‘quvchilarning shu obyektni to‘g‘ri ko‘rishlarini ta’minlash kerak.
9.Ekskursantlarda ortiqcha gapiravermaslik lozim.
10. Ekskursiya materiallarini qayta ishlab ekskursiya haqida o‘quvchilarda mustahkam bilim hosil qilish kerak.
Botanika fanidan VI sinfda dastlabki o‘tkaziladigan ekskursiyalar vaqtida o‘quvchilar ancha sodda va umumiy ishlarni bajaradilar. Chunonchi, ular turli joylarda o‘sayotgan o‘simliklardan namunalar to‘playdilar yoki bir xil o‘simliklardan namunalar yig‘adilar, turli xilga ega bo‘lgan o‘simliklar to‘playdilar va hokazolar.
Ekskursiyalar mobaynida o‘qituvchi uchrayotgan barcha o‘simliklar haqida o‘quvchilarga gapirib beravermasligi kerak. Shu joyga xarakterli bo‘lgan o‘simlik haqida ma’lumot berish kerakki, toki o‘quvchilar bu o‘simliklarni uzoq vaqtlar esidan chiqarmasinlar.
Zoologiyaga oid ekskursiyalarda ham hayvon, uni o‘rab turgan sharoit va shu yashash muhitiga hayvonning moslanish belgilarini o‘quvchilarga ko‘rsatib berish ayniqsa muhimdir. Eskursiyalar vaqtida o‘quvchilarning bajaradigan amaliy ishlarida ularni o‘lchash, aniqlash, rasmini chizish va namunalar yig’ishga ko‘proq o‘rgatib borish kerak.
Ekskursiyalar vaqtida beriladigan topshiriqlardan ham o‘quvchilarni sinchiklab kuzatish, berilgan topshiriq qisqa, aniq misollar topishni o‘rgatish kerak.
Mustaqil ishlar bajarilayotgan vaqtda o‘qituvchi o‘quvchilarni guruhlarning ishlayotgan joylarini aylanadi. Ishning qanday ketayotganligi bilan tanishadi. Guruh boshliqlarining ish yuzasidan hisobotlarini tinglaydi va kerakli ko‘rsatmalar beradi. Ekskursiya rejasidagi ishlar bajarilgach, o‘quvchilar sinf xonasida ekskursiya materiallarini, gerbariy kolleksiyalarini tartibga keltirish, jihozlarni o‘qituvchiga topshirishlari kerak. Shundan so‘ng ekskursiya yakunlari haqida suhbat o‘tkazilib, o‘quvchilarning ekskursiyadagi faoliyatlari baholanadi.

E’TIBORLARINGIZ UCHUN TASHAKKUR!!!