Biokimyo va molekulyar biologiya

4. Oqsilni mineral kislotalar bilan cho’ktirish

Konsentrlangan mineral kislotalar (nitrat, sulfat, xlorid) oqsil zarrachalarining keskin degidrotatsiyasiga va ularning zaryadlarini neytrallanishiga sabab bo’ladi, buning natijasida kompleks birikmalar hosil bo’lishi kuzatiladi.

Bu esa oqsilning qaytmas denaturatsiyasiga olib keladi. Ortofosfat kislota oqsillar bilan cho’kma hosil qilmaydi.

Mineral kislotalar ta’sirida hosil bo’lgan cho’kmalarga sulfat kislota va xlorid kislotalarning yana ko’p miqdorda quyilishi natijasida cho’kma erib ketadi, lekin bu nitrat kislota bilan kuzatilmaydi.

Reaktivlar: a) tuxum oqsili eritmasi, b) konsentrlangan sulfat kislota, v) konsentrlangan xlorid kislota, g) konsentrlangan nitrat kislota.