Biokimyo va molekulyar biologiya

Oqsil miqdorini aniqlash. Tekshirilayotgan eritmada oqsilning miqdorini aniqlash uchun 1 ml oqsil eritmasiga 8 ml biuret reaktivi qo’shiladi va 30 daqiqa xona haroratida saqlangach optik zichligi aniqlanadi. Oqsil miqdori kalibrlash egri chizig`iga ko’ra topiladi.

Uslubning kamchiligi unchalik sezgir va aniq emasligi bo’lib, shunga qaramay etirmada oqsil miqdori ko’p bo’lganda foydalanish mumkin.

7 – laboratoriya mashg`uloti

Fermentlarning yuqori temperatura ta’sirida inaktivatsiyasi
Fermentlar oqsil tabiatli moddalar bo’lganligi sababli, ular haroratga juda ta’sirchan bo’ladi. Fermentlar uchun optimal harorat 37-38°C ni tashkil qiladi. Haroratning oz miqdorda ko’tarilishi, (40-45°C gacha) fermentlarning aktivligini oshiradi. Lekin keyingi qizdirish, ya’ni 50°C dan yuqori bo’lgan harorat, fermentning aktivligini yo’qolishiga sabab bo’ladi. Buning sababi, fermentning oqsil qismi yuqori haroratda denaturatsiyaga uchrashidir. Past haroratda esa ferment o’z aktivligini yo’qotmaydi, lekin shu haroratda aktivligi kamayishi mumkin. Agar harorat ferment uchun optimal holgacha ko’tarilsa, fermentning aktivligi yana tiklanadi.

Reaktivlar: a) 5 marta suyultirilgan so’lak, b) 1% li kraxmal, v) yodning kaliy yodiddagi eritmasi (Lyugol eritmasi), g) Trommer reaksiyasi uchun kerak bo’lgan reaktivlar: 5% li o’yuvchi natriy, 5% li mis sulfat (tajriba probirkalariga avval o’yuvchi natriy qo’shiladi, so’ngra tomchilatib mis sulfatdan solinadi va past olovda qaynaguncha qizdiriladi).