Biokimyo va molekulyar biologiya

Ishning bajarilishi: 7 ta probirka olib, ularning har biriga limon kislota va natriy fosfatning eritmasidan jadvalda ko’rsatilgandek qilib solinadi. Bunda har bir probirkadagi eritma 5,6 dan 8,0 gacha pH ga ega bo’ladi. Shundan so’ng har bir probirkaga 10 tomchidan 1% li natriy xlorid, 0,5% li kraxmal va 100 marta suyultirilgan so’lak solinadi va aralashtiriladi. Probirkalar 10 daqiqa 38°C li termostatga qo’yiladi. Vaqt o’tgach probirkalarni termostatdan olib tezda sovitiladi va har biriga 1 tomchidan Lyugol eritmasidan solinadi va hosil bo’lgan rang kuzatiladi. Shundan so’ng qaysi probirkada kraxmal to’liq parchalanganligini pH ga qarab aniqlash kerak (yod bilan sariq yoki qo’ngir sariq rang hosil bo’lishi kerak).

Jadval

Probirkalar nomeri	Natriy fosfat, ml	Limon kislota, ml	Bufer aralashmasining pH
1	0,58	0,42	5,6
2	0,63	0,37	6,0
3	0,69	0,31	6,4
4	0,77	0,23	6,8
5	0,87	0,13	7,2
6	0,94	0,06	7,6
7	0,97	0,03	8,0

10 – laboratoriya mashg`uloti

Monosaxaridlarga xos sifat reaksiyalari
α- naftol yoki timol bilan boradigan reaksiya

Bu reaksiya uglevodlarga xos eng sezgir reaksiya hisoblanadi. Uglevodlar sulfat kislota bilan reaksiyaga kirishib, furfurol va 5-oksimetilfurfurol hosil qiladi va bu hosil bulgan birikma α-naftol yoki timol bilan qo’shiladi, bunda triarilmetan xromogeni va oxirida asa sulfat kislota bilan oksidlangan, bo’yalgan xinoid birikmasi hosil bo’ladi.

Reaktivlar: a) 0,5% li glyukoza, b) 1% li timol, v) α–naftolning 0,2% li spirtdagi eritmasi, g) konsentrlangan sulfat kislota