Berdaq atinda

Úlgi Til xat
Men, Qanlıkól jámáát xojalıǵı brigada baslıǵı Kópjúrsin Tájimuratov, jámáát xojalıǵı kassiri Dilbar Saǵıymovadan brigada aǵzalarınıń iyun ayına tiyisli 164500 (bir júz alpıs tórt mıń bes júz) sum muǵdarındaǵı puldı miynet haqı retinde tarqatıw ushın aldım.
(qolı) K.Tájimuratov
2000. 05. 07.


Minezleme - belgili bir adamnıń miyneti hám jámiyetlik xızmeti, sonday-aq onıń ózine tán ózgesheliklerin hám pazıyletlerin sáwlelendiriwshi rásmiy hújjet.
Minezleme mekeme administraciyası yaki shólkemleri tárepinen xızmetkerge bir qansha maqsetler ushın (oqıw orınlarına kiriwde, sırt mámleketlerge barıp islew yamasa basqa jumıslar menen ketkende, lawazımǵa tayarlaǵanda yaki basqa máselelerge baylanıslı) beriledi.
Minezlemede xızmetkerdiń jámiyettegi hám xızmettegi iskerligi, minez-qulqı haqqında da kórsetip ótiledi. Minezlemeniń tiykarǵı zárúrli bólimleri tómendegilerden ibarat
1. Minezleme berilip atırǵan adam haqqında tiykarǵı maǵlıwmatlar
a) ismi, ákesiniń atı hám familiyası~
b) tuwılǵan jılı~
v) milleti~
g) partiyalılıǵı~
d) maǵlıwmatı~
e) lawazımı~
j) ilimiy dárejesi hám ataǵı
2. Hújjettiń atı (Minezleme)
3. Tekst.
4. Qoyılǵan qollar.
5. Sáne.
6. Mór.

Úlgi	Berdaq atındaǵı Qaraqalpaq mámleketlik universiteti filologiya fakultetiniń 4-kurs studenti, 1980-jılı tuwılǵan, qaraqalpaq Islam Amanovqa

Minezleme

Islam Amanov orta mektepti pitkerip, 1997-jılı filologiya fakultetiniń 1 kursına oqıwǵa kirdi.

Universitette bilim alıw dáwirinde ol tártipli, ziyrek hám oyshań student sıpatında ózin kórsetti. Sabaqlarǵa qalmay qatnasıp, bilimdi qunt penen úyreniwge háreket qıladı. Ádebiyat pánine ayrıqsha qızıǵadı. Ol 2000-jıldıń aprel ayında studentlerdiń ilimiy konferenciyasında bayanat jasadı. Onıń bayanatı konferenciyanıń húrmet jarlıǵı menen sıylıqlandı.
I.Amanov fakultettiń jámiyetlik jumıslarına da belsene qatnasadı, fakultettiń [jas filolog] diywalı gazetasına redaktorlıq etedi.
Оl kishipeyil hám tuwrı sózli, doslarına mudamı ǵamxor, mehriban bolǵanlıǵı ushın kurslas joldasları oǵan úlken húrmet penen qaraydı.
Minezleme Nókis qalalıq Jaslar Awqamı komitetine tapsırıw ushın beriledi.
Dekań (qolı) S.Begimov
Jaslar Awqamı xatkeri (qolı) A.Sultamuratov
Kásiplik awqam shól. baslıǵı (qolı) B.Atanazarov
(mór) (sánesi)