Ббк-63. 3(5Ў) М91 Мустафоев, Суюндик

ШАЙХ ГАДОЙ СЕЛКИН
Хожагон - Нақшбандия тариқатининг пешвоси, олим, тарбиячи, шайх ва валий даражалари билан мўътабарлан-ган Шайх Гадой Селкинннинг исмлари Абдураҳмон бўлиб, омма оғзида Гадой Селкин сифатида машҳурлашиб кетган.
Мунаввар қабрлари Хатирчи тумани маркази Янгиобод қўрғонидаги номлари билан аталувчи масжид саҳнида.
Маҳаллий ўлкашунослар оғиздан оғизга ўтиб келаётган ривоятлар асосида 72-73 йил умр кўрганликларини, таҳ-миний 1340-45 йилларда таваллуд топганларини этироф этишади.
¹⁴ С.Иноятов. "Соҳибқирон ва темурийлар назари тушган диёр. "Шарқ" матбаа Компанияси Бош таҳририяти, Тошкент, 2002 йил, 28-бет
56
Шунингдек, она юртлари Тошкентнинг Зангиота мав-зеси эканлиги, оталари бой савдогар бўлиб Шом, Ироқ, Ҳиндистон билан савдо сотиқ юритганлиги таъкидланади. Ёш Абдураҳмон кўпинча отасининг савдо сафарларида бирга экан.
Иттифоқо, отасининг савдо карвони Бухорога келади ва туялардан юклар тушурила бошланади. Абдураҳмон эса лоқайд ва хотиржам қиёфада, кибор билан ишнинг бори-шини кузатиб туради. Оёқларини чалиштириб, от ёлига таш-лаб ўтирган ҳолида ёнига бир гадо келиб садақа сўрайди.
Абдураҳмон беписанд ва норози қиёфада: "шу Бухоро гадоларидан ҳам безор бўлдим деган" таъна билан икки тангани гадойга қараб отиб юборди. Гадо тангаларни те-риб олиб, шиддат билан осмонга қаратиб отади.
Бу ҳолдан Абдураҳмон жаҳлланиб:
— Эй юпун гадо! Нега тиланчиликдан топган молингни
ҳавога сочдинг!?
Шунда гадой:
— Эй бойвачча, хом экансан! Мен садақангга зор эмас-
ман, бошингга бир бало келаётган эди. Берган садақанг
ўшани даф қилди. Мана қарагин, - деб қўл панжалари
орасини очиб кўрсатибди. Қараса, икки танга икки қоп
қора нарсани қувиб бораётир.
Абдураҳмон отдан сакраб тушиб, феълидан пушаймон-лик билан гадо қиёфасидаги кишидан кечирим сўраб, Ал-лоҳга истиғфор айтиб, тавба қилибди.
Гадо қиёфасидаги зот Ҳазрати Баҳоуддин Нақшбанд Баҳовуддин Балогардон эканлар...
(Рисоланинг аввалги саҳифаларида "Сўғд. Миёнкол" бўлимидаги оғзаки ривоят бошқачароқ талқин қилинган эди. Аммо, кузатганингиздек, асосий мақсад битта: бу зотга илоҳий иноят насиб этганлиги англатиш.)