Baxt va shodlik kuychisi

3-guruhga:

She’riy asarlari va ularning asosiy g‘oyasi

4-guruhga:

Dramalari, tarjimalari haqida

5-guruhga:

Hamid Olimjon nomini abadiylashtirish uchun qilingan ishlar

O`qituvchi sinf o`quvchilarini 5 guruhga bo`lib, ularga tarqatma materiallarni tarqatadi va vaqt belgilaydi. (5-6 daqiqa). Vaqt tugashi bilan barcha guruhlar o`z ishini yakunlaydi va har bir guruhdan spiker belgilanadi hamda 1-guruhdan boshlab taqdimot qiladi. Taqdimot uchun ham 2-3 daqiqa vaqt belgilash zarur. Guruh ishlari doskaga tagma-tag ilinadi:

Barcha guruhlar taqdimot qilib bo`lgandan so`ng, o`qituvchi guruhlar ishini umumlashtirib, xulosalaydi. Aytilmagan fikrlar, yangi ma'lumotlar bo`lsa, o`qituvchi kichik ma'ruza sifatida aytib o`tadi. Faol guruhlar rag`batlantiriladi.

“IKKI QISMLI KUNDALIK” metodi

Bu metod yozma nutqni rivojlantiradi. Bu uslub o`qib chiqilgan mavzu bo`yicha tushunchalarni shaxsiy tajriba bilan bog`lashga imkon beradi.

Maqsad: o`rganilayotgan mavzuga qiziqish uyg`otish, yozma nutqni rivojlantirish.
O`tkazish bosqichlari:
1-bosqich. O`quvchilarga oldindan tayyorlab qo`yilgan matn o`qish uchun taklif etiladi.
2-bosqich. Hamma matn bilan tanishganiga ishonch hosil qilib, daftarni vertikal chiziq bilan ikkiga bo`lish so`raladi.
3-bosqich. O`quvchilarga, daftarni chap tomoniga muallif sitatalar (g`oyalari, fikrlari)ni yoqqanlarini (yoki yoqmaganlarini) yozishlari aytiladi.
4-bosqich. O`ng tomonga o`quvchi mazkur sitataga berilgan o`zini izohini yozadi, ya'ni o`qilgan matn haqidagi tushunchasini umumlashtirib beradi.
5-bosqich. Topshiriqni shu qismi tugagandan keyin o`quvchilarga (o`z xohishiga ko`ra) bittadan sitatalarni va ularga yozilgan izohni o`qish taklif etiladi. Sitata va ularning izohi o`qilayotganda savol berish yoki mazkur sitataga o`z izohini berishga ruxsat etiladi.
6-bosqich. O`quvchilar sherik (uchliklar yoki kichik guruhlar) bo`lib ham ishlashlari mumkin.
Namuna:
Hamid Olimjonning “O`zbekiston” she'rini o`tishda “Ikki qismli kundalik” metodi asosida she'rning mohiyatini oddiy yo`llar bilan o`quvchiga yetkazishi mumkin.

Har bir guruhga she’r bandlari yozilgan tarqatmalar beriladi va belgilangan vaqt ichida guruh o`quvchilari o`zlariga berilgan bandni to’liq sharhlashlari va qog’ozning o`ng tomoniga yozishlari lozim. Vaqt tugagandan so`ng guruhlar taqdimot qiladilar, she’r bandlari izohlanadi.

1-guruhga:

O‘xshashi yo‘q bu go‘zal bo‘ston, Dostonlarda bitgan guliston — O‘zbekiston deya atalur, Uni sevib el tilga olur. Chiroylidir go‘yo yosh kelin, Ikki daryo yuvar kokilin Qorli tog‘lar turar boshida, Gul vodiylar yashnar qoshida.

2-guruhga:

Chor atrofga yoyganda gilam. Aslo yo‘qdir bundayin ko‘klam. Tog‘lardagi qip-qizil lola Bo‘lib go‘yo yoqut piyola, Buloqlardan uzatadi suv El ko‘zidan qochadi uyqu. Dalalarda boshlanadi ish Boshlanadi ijod va turmush.

3-guruhga:

Kundan-kunga o‘sadi paxta, Barg chiqadi harbir daraxtda, Olmazorlar gulin to‘kadi, Meva bog‘lab shoxin bukadi. Shaharlarda ishga chiqib el Odam bilan to‘lar Tekstil. Hammasining bir istagi bor, Hammasi ham xursand, baxtiyor.

4-guruhga:

Bu o‘lkada har narsa bordir, Ko‘rmaganlar doim xumordir. Amu bilan Sirdan suv ichgan, Zarafshonni loylatib kechgan, Chavandozlar bordir bu elda. Bahor chog‘i pishqirgan selda Arg‘umoqlar qo‘shig‘i bordir. Bu shundayin ajib diyordir.

O`quvchilarning faoliyati o`qituvchining diqqat markazida bo`lishi kerak. Chunki o`quvchining fikrlash olami va vatanini bilish, o`zligini kashf etish borasida o`zlaricha fikr yuritadilar, tahlil qiladilar, munosabat bildiradilar. Bu jarayonda o`quvchining ish quroli darslik sanaladi. She'r mazmunini yaxshi tushungan o`quvchilar she'rni oson yodlashga erishadi.