Баҳтли оила 1 Кириш

Учинчи бўлим
Энг гўзал намуна
Ҳазрати Пайғамбаримиз (с.а.в.)нинг оилавий ҳаётлари 
Ҳаётнинг ҳар бир соҳасида мусулмонлар учун энг гўзал намуна Ҳазрати 
Пайғамбаримиз (с.а.в.)дир. Комиллигимиз мезони у зотга ўхшашимиз нисбатидадир. 
Расули акрам (с.а.в.) инсонларга билдирган ҳаётий тавсияларни доимо ўз ҳаётларида 
қўллаганлар, исломни назарий қоидалар билан эмас, ҳаётий тарзда кўрсатиб берганлар. 
Расулуллоҳ (с.а.в.)нинг намуна эканликларини Аллоҳ шундай билдиради:
"(Эй, мўъминлар) сизлар учун - Аллоҳ ва охират кунидан умидвор бўлган ҳамда
Аллоҳни кўп ёд қилган кишилар учун Аллоҳнинг пайғамбари (иймон-эътиқоди ва хулқи-
атвори)да гўзал намуна бордир"
(Аҳзоб сураси, 21-оят).
Оила ҳаёти борасида ҳам йўлбошчимиз ва намунамиз Расулуллоҳ (с.а.в.)дир. ўзлари 
отамиз ўрнида, аёллари эса онамиз мавқеидадирлар.
"Пайғамбар мўъминларга ўзларидан ҳам ҳақдорроқдир, унинг аёллари эса уларнинг
оналаридир"
(Аҳзоб сураси, 6-оят).
Жаноби Ҳақ пайғамбар оиласини оддий бир оила бўлмай, ҳамма учун ибрат 
эканлигини уқтирган, бу вазифани тамоман бажаришлари учун Пайғамбаримизни 
покиза аёлларига оғир масъулиятлар юклаганлар:
"Эй, пайғамбар аёллари, сизлар агар тақводор бўлсангизлар, аёлларнинг биронтаси 
каби эмасдирсизлар (яъни бирор аёл фазлу мартабада сизлар каби бўла олмас)...
Ўз уйларингизда барқарор бўлинг (яъни бесабаб уйларингиздан ташқарига 
чиқманглар, магар бирон ҳожат учун чиққанларингизда эса) илгариги динсизлик
(даври)дан ясан-тусан каби ясан-тусан қилманглар! Намозни тўкис адо қилинглар,
закотни (ҳақдорларга) адо этинглар ҳам (барча ишларда) Аллоҳ ва Унинг 
пайғамбарига итоат этинглар! (Эй пайғамбар) хонадонининг аҳли, Аллоҳ сизлардан 
гуноҳни кетказишни ва сизларни бутунлай поклашни истайди, холос"
(Аҳзоб сураси, 
32-33-оятлар).
Жамиятга намуна бўладиган кишиларнинг аввало оила ҳаётлари тартибли бўлиши 
лозим. Бу бўлимда Пайғамбаримиз (с.а.в.)нинг намуна оилавий ҳаётлари билан 
таништиришга ҳаракат қиламиз.
130

---